Donostiarra izan da nagusi Mutrikuko banderan
Ondarroak laugarren postua eskuratu zuen. Etxeko taldea izan zen azkenengoa ailegatzen.
Donostiarrak irabazi du 22. Mutrikuko Udalaren Bandera. Hamasei traineruren arteko norgehiagokan 21.05.43ko denborarekin gipuzkoarrak nagusitu ziren, hain zuzen ere, azkenengo banderan bezala.
Gipuzkoako talde onenak eta TKEko zazpi traineruren arteko lehia ikusteko aukera egon zen, eta hiru tandatan banatu zituzten taldeak. Hirugarren tandan atera zen Donostiarra nagusitu bazen ere, Zierbena izan zen bigarrena helmugaratzen, 21:11.03ko denborarekin. Hondarribia izan zen hirugarrena (21.14.62), ondarrutarrak laugarrenak (21.35.39) eta lekeitiarrak seigarrenak (21.39.12). Busturialdea izan zen azken aurrekoa (23.01.72), eta etxeko taldea izan zen azkenengoa; mutrikuarrek 24.11.67ko denboran osatu zuten proba.
