Zabalik dago Ondarroako pala txapelketan izena emateko epea
Ekainaren 1a da izena emateko azkenengo eguna: 623 02 49 29 telefono zenbakira whatsappa idatzi behar da.
Bigarren urtez jarraian Ondarroako Pala Txapelketa antolatu dute, eta izen ematea zabalik dago ekainaren 1era arte. Pasaden urtean abiatu zen txapelketa eta sekulako harrera eduki zuen, bai parte hartzean eta baita herritarren erantzunean ere; frontoi bete jendek jarraitu zuen txapelketa. Aurten, ekainaren 5ean hasiko da txapelketa.
Bi lehiaketa egingo dira. Batetik banakako pala txapelketa, gomazko pilotagaz. Partidak 30 tantora egingo dira eta 16 urtetik gorakoek parte hartu ahalko dute; betaurrekoak nahitaezkoak izango dira (ez dituztenei antolakuntzak utziko dizkie). Izena emateak 15 euro balio ditu.
Bestetik, emakumezkoen binakako pala txapelketa egingo da, teniseko pilotagaz. Partidak 22 tantora jokatuko dira eta 16 urtetik gorakoek parte hartu ahalko dute. Izena ematean 20 euro ordaindu behar dira.
