Gorka eta Goikoetxea, nagusi Donostian
Donostiako Grand Slam nagusitasunez irabazi zuen bikoteak. Lekerikak ezin izan zuen finala lehiatu.
Gorka eta Goikoetxea, Donostiako finalean. Iturria: Jai Alai Karmelo Baldan pilotalekuak hartu zuen Donostiako Grand Slamaren finala, eta azken orduko aldaketa bat egin behar izan zuten: Julen Del Rio sartu zen finala lehiatzera. Lekerikak min hartu zuen barikuan, Markina-Xemeingo Grand Slama jokatzen ari zela; zuntz haustura bat egin zuen. Hortaz, Gorka eta Goikoetxeak Julen Del Rio eta Erik izan zuten aurrez aurre: 2-0 irabazi zuten, Donostiako zesta-puntako Grand Slameko irabazle izanik.
Bi setak agintez menderatu zituzten irabazleek; lehenengoa 15-9ko markagailuagaz eraman zuten, eta aurkariak baino hasiera zurrunagoagaz abiatu zuten seta. Egoera guztiz kontrolpean izan zuten set guztian; aurrez aurre zuten bikotearentzat lehenengo aldia zen elkarrekin jokatzen zutena eta agerikoa zen. 11-2ko markagailua ezarriz, aurkariak erreakzionatu egin zuten, baina esfortzuek ez zuten fruiturik eman. Bigarren setean ere formula berdina errepikatu zen, hasieratik aurrea hartuta, partidua lasai hartzeko aukera izan zuten Gorkak eta Goikoetxeak, horrela, ondo jokatu, menperatu eta txapelketa eramanez: 15-8.
