Mutrikuko Binakako Pala Txapelketan izena emateko epea asteon amaituko da
Urriaren 1a izango da izena emateko azkenengo eguna. Urriaren 6ko asteburuan abiatuko da txapelketa.
Mutrikuko Danok Bat Elkarteak udalarekin batera antolatu duen Binakako Pala Txapelketan izena emateko aukera domekan [urriak 1] amaituko da.
Txapelketa Miruaitzen jokatuko da eta urriaren 6ko asteburuan abiatuko da. Hiru maila egongo dira, “Bikoteen mailaren arabera antolakuntzak aldaketak egin ditzake maila bakoitzeko berdintasuna bermatzeko”.
Izen ematea Miruaitz pilotalekuan egin beharko da eta 16 urtetik gorakoen parte hartu dezakete. Bikote bakoitzak 45 euro ordaindu beharko ditu. “Sarien artean txapelak, materiala, garaikurrak eta abar egongo dira”. Harremanetan jartzeko telefono zenbakiak jarri dituzte eskuragarri: 617 72 3456 edo 94 360 41 91.
