Zabalik dago Mutrikuko musika talde eta bakarlarien jaialdian izen ematea
Parte hartu nahi dutenek urriaren 14a baino lehenago izena eman beharko dute.
Urriaren 28an, Mutrikuko Gau Beltzean egingo den Beheko doinuak musika talde eta bakarlarien jaialdian izena emateko epea urriaren 14an amaituko da. Herriko talde, DJ eta bakarlarien gaua izateko asmoz abiatu zuten iaz jaialdia, Beheko Plazan “herriko musikarien zuzeneko kontzertuak eskainiz”.
Izen ematea urriaren 14a baino lehenago egin behar da kultura@mutriku.eus helbidera idatziz. Baldintzak, ordutegiak, antolakuntza eta informazio gehigarria urriaren 16ko astean egingo den bileran zehaztuko dituzte.
