Nogalesek eta Etxebarriak irabazi dute Egia-Iriondo Memoriala
400 korrikalari baino gehiago elkartu ditu aurtengo lasterketak. Lasterketaren amaieran Jesus Mari Urkiza omendu eta Jose Mari Aranbarri 'Egia' eta Martin Iriondoren senideei aipamen berezia egin diete.
Lasterketa nagusiko irabazleen podiuma. Ondarrutarren eta ingurukoen artean duen arrakasta beste behin erakutsiz, iazko parte hartzaile kopurua gainditu eta 400 korrikalarik baino gehiagok egin dute Berriatua eta Ondarroa batzen duen Egia-Iriondo Memoriala. Antolatzaileek “oso pozik” geratu dira aurtengo parte hartzeagaz ere.
Ume, gazte nahiz nagusiek, korrika egiteko gogoari heldu eta arrakastaz amaitu dute lasterketa. 11:30ean hasi dira lehenengo umeak korrika, eta 12:00etan irten dira nagusiak Berriatutik. Mutilen artean, lasterketa nagusian Julen Etxebarriak hartu du aurrea, eta pixkanaka gainontzekoenganako tartea handituz joan da: ordu laurden baino gutxiago behar izan ditu lasterketa amaitzeko. Nesketan, berriz, lasterketa nagusian Idoia Nogales aurreratu zaie gainontzekoei, eta lasterketa nagusiko lehenengo postua irabazteaz gain, beteranoen artean ere azkarrena izan da.
“Denentzako” lasterketa dela azpimarratuz, inolako lehiakortasunik gabe aritu dira korrikalariak. Lasterketaren amaieran Jesus Mari Urkiza omentzeko tartea ere hartu dute: “Eskerrik asko eta zorionak 84 urtegaz Egia-Iriondo Memorialean parte hartzeagatik!”. Hori gutxi ez, eta aipamen berezia egin nahi izan diete Jose Mari Aranbarri Egia eta Martin Iriondo herri lasterketaren sortzaileen senideei ere. Giro ezin hobean amaitu dute denek aurtengo herri lasterketa ere.
Ondokoa izan da sailkapena:
- Sailkapen orokorra (lasterketa nagusia):
- Idoia Nogales / Julen Etxebarria
- Ainara Belzunegi / Ander Goenaga
- Joana Osa / Ibon Badiola
- Beteranoak:
- Idoia Nogales / Ander Rodilana
- Joana Osa / Guzman Pascual
- Dunixe Burgoa / Jon Aramaio
- Gazteak:
- Inger Arkotza / Naim Quizhpe
- Keylan Sarango / Ernai Badiola
- Irati Solabarrieta / Anartz Martino
- LH5-6:
- Haizene Ugartetxea / Eneko Aranberri
- Maren Bermudez / Urko Agirre
- Enara Perez / Eneko Andreu
