Janari txinatar tailerrak Abarketa Elkartea bete du
Lekeitioko Denbora Bankuaren azken talde ekintza izan da janari txinatar tailerra. 24 lagunek parte hartu dute tailerrean.
Pasaden eguaztenean [abenduak 13] Lekeitioko Denbora Bankuaren urteko azken talde ekintza egiteko elkartu ziren herritarrak. Janari txinatar tailerragaz gozatu ahal izan zuten 24 lagunek. Abarketa Elkartea goraino beteta, sei lagun inguru kanpoan geratu behar izan ziren.
Bost plater egiten ikasi eta dastatzeko aukera eduki zuten parte hartzaileek: udaberriko txinatar biribilkiak, hiru gutiziako arroza, oilaskoa curry erara, txinatar entsalada eta txerria saltsa gazi-gezagaz.
Zapore eta jende berria ezagutzeaz gain, denbora bankua zer den hobeto ulertzeko aukera eduki zuten parte hartzaileek. Gainera, bertaratu ziren partaide berri guztiek proiektuaren parte izateko izena eman zuen ekintzaren amaieran, beraz, “hamabi kide berri ditu Lekeitioko Denboraren Bankuak”. Antolatzaileek adierazi dutenez, parte hartzaileek “oso pozik” amaitu zuten tailerra.
Parte hartzaileak azalpenak entzuten. Argazkia: Lekeitioko Denbora Bankua.
