Markina-Xemein eta Etxebarria arteko errepideko bide bat itxiko dute
Bihartik [urtarrilak 9] barikura [urtarrilak 12] arte itxiko dute bideetako bat, errepideko lanak egin ahal izateko.
Urriaren 18an hasi zituzten Markina-Xemein eta Etxebarria lotuko dituen saihesbideko lanak eta bihar [urtarrilak 9] BI-2636 errepidearen bideetako bat itxita egongo da 09:00etatik aurrera. Barikuan [urtarrilak 12] 17:00etan zabalduko dute bidea normaltasunez. Barikura arte ibilgailuen zirkulazioa semaforo bidez bideratuko dela adierazi dute.
Hasierako fasean, Markina-Xemeindik Etxebarrirako tunelaren zati bat egin dute, eta orain, lanek Etxebarriko aldetik jarraituko dute. Lanak 2026an amaitzea aurreikusten dute, eta lanok eragin ditzaketen eragozpenen aurrean “pazientziaz jokatzeko” eskatu dute.
Lanak. Argazkia: Markina-Xemeingo Udala
