Zabalik dago Artedrama Euskal Laborategian izena emateko epea
Aurten apirilaren 1etik 6ra bitartean egingo da arte eszenikoetan euskaraz aritzen direnen topagunea, Aulestin.
Arte Drama Euskal Laborategian izena emateko epea zabalik dago. “Arte eszenikoetan euskaraz aritzen garenon topagunea da; aktore, zuzendari, antzerkigile zein antzerkizaleentzat urtero zabaltzen den gunea”. Izen emateak 500 euro balio ditu, lotarako lekua eta otorduak barne. Interesatuek telefonoz deitu (615 77 95 11) edo posta elektronikoa bidali dezakete (info@artedrama.com).
Ekimena aktore, zuzendari, antzerkigile zein antzerkizaleei zuzenduta dago. Topaketa Euskal Herriko arte eszenikoetan murgilduta daudenen artean eztabaidak edukitzeko eta jakintza eta elkartrukeak sustatzeko asmoz egiten da. “Astelehenetik zapatura, 48 orduz, sei irakasleren tailerrak egongo dira”:
Ainhoa Alberdi, Amaia Bono, Amaia Lizarralde, Iñaki Ziarrusta, Kepa Errasti eta Ander Lipusen eskutik.
