'Euskaldunen jatorria, historia eta irria' bakarrizketako sarrerak eskuragarri daude
Mutrikuko Korrika Kulturalaren baitan antolatutako ekimena da Ion Martinez Esnaolak eskainiko duen bakarrizketa antzeztua.
Mutrikuko Korrika kulturalaren baitan antolatutako Euskaldunen jatorria, historia eta irria Ion Martinez Esnaola Txikren bakarrizketara joateko sarrerak eskuragarri daude.
Domekan [martxoak 17] 18:00etan, Zabiel kultur etxean euskaldunen benetako jatorria, kultura eta historia umorezko bakarrizketa antzeztu bidez kontatuko du Martinezek. “Ez da bakarrizketa soil-soila, baizik eta Txikiren antzezlan borobil bat. Bertan, umorea, historia, kantuak, musika, 3D efektuak, karaokea eta hainbat euskal pertsonaiaren imitazioa uztartzen dira”.
Korrika kulturalaren hamaika hitzarmenen artean, Korrika ailegatu aurreko azkenengo hitzorduetako bat izango da Martinezena; azkenengoa Korrika txikia izango baita. Hortaz, bakarrizketara joateko interesa dutenek sarrerak eskuratzeko aukera dute 3 euroren truke; Turismo Bulegoan edo Udalaren webgunean.
