Etzi zabalduko da Ondarroako kirol udalekuetan izen emateko epea
Kiroldegian egin beharko da izen ematea. Aurrera Kirol Elkartearen udako teknifikazio kanpusean izena emateko aukera ere badago.
Ondarroako Udalak, urtero legez, kirol udalekuak antolatu ditu Zaldupe udal kiroldegiagaz elkarlanean. LH 1etik LH6ra arteko haurrei zuzendutako udalekuetan bi txanda egongo dira; uztailaren 1etik 12ra eta uztailaren 15etik 24ra. Biak ala biak ordutegi berdinean izango dira, 09:30eatik 13:00etara.
Etzi [maiatzak 2] irekiko da izen ematea eta maiatzaren 12ra arte egongo da zabalik. Interesa dutenek kiroldegian egin beharko dute izen ematea eta informazio gehiago nahi dutenek 946 13 42 09 telefono zenbakira deitu dezakete.
Ondarroako Aurrera Kirol Elkarteak udako futbol teknifikazio kanpusa martxan jarri du: 2012 eta 2018 urteen artean jaiotakoentzat izango da, biak barne. Hiru aste izango dira eta bakoitzak aukera izango du nahi adina asteetan parte hartzeko:
- Ekainaren 24tik ekainaren 28ra.
- Uztailaren 1etik uztailaren 5era.
- Uztailaren 8tik uztailaren 12ra.
10:00etatik 14:00etara arteko ordutegia izango du eta aurten ez da egongo lanak egiteko tarterik, Zaldupeko aldagelak berritzeko obrengatik. Parte hartzeko interesa dutentzat maiatzaren 26a izango da izena emateko azkenengo eguna; izen emate orria bete eta ordainketa egin beharko da. Informazio gehiago eskuratzeko aukera dago Aurrera Kirol Elkartearen sare sozialetan.
