Eskola Jasangarria ziurtagiria, Lekeitiora eta Markina-Xemeinera
Eusko Jaurlaritzak banatzen duen ziurtagiria lortu dute Berakruz Ikastolak eta Lekeitio BHI-k.
![Markina-Xemeingo Berakruz Ikastolak Eskola Jasangarria ziurtagiria jaso du. Argazkia: Berakruz Ikastola.](https://lea-artibaietamutriku.hitza.eus/site/files/2024/06/ekoetxea-1200x1118.jpeg)
Urdaibaiko Ekoetxean elkartu dira Euskal Herriko hainbat ikastetxe, Eusko Jaurlaritzak banatzen duen Eskola Jasangarriak ziurtagiria jasotzeko. Guztira hamahiru izan dira ziurtagiria jaso duten ikastetxean, eta bertan izan dira Markina-Xemeingo Berakruz Ikastolako eta Lekeitio BHI-ko irakasle nahiz ikasleak ere, euren saria jasotzen.
Ingurumenaren Mundu Eguna dela eta banatu dituzte ziurtagiriak, eta Agenda 2030 proiektuaren egindako lanari esker jaso dute eskualdeko ikastetxeek; era berean, ingurune naturaletan hondakinak biltzeko herritarrei zuzendutako kanpaina berri bat bultzatzeko balio izan zuen ekitaldiak. Ziurtagiriak eskola jasangarriak eta berrikuntzaren, kalitatearen eta ingurumenarekiko konpromisoaren aldeko horien apustua aitortzen ditu.
![Eskola Jasangarria ziurtagiria jaso dute Markina-Xemeingo Berakruz Ikastolak eta Lekeitio BHI-k. Argazkia: Eusko Jaurlaritza.](https://lea-artibaietamutriku.hitza.eus/site/files/2024/06/eskolajasangarria-500x270.jpg)
Argazkia: Eusko Jaurlaritza.