Gipuzkoar traineruak, Lekeitioko galarrenari aurre egiten trebeenak
Zarautz gailendu da Lekeitioko Ikurriñan, gizonezkoen estropadan; emakumezkoen artean, XXX izan da bizkorrena. Itsas eta eguraldi baldintzak gako izan dira estropadan.
Zarauztar lantaldea, garaile. Argazkia: Bermeo Arraun Argazkiak. Euskadiko Traineru Txapelketaz gain, zapatuan [ekainak 8], Lekeitioko Ikurriña lehiatu zuten, toki berberean Bizkaiko Txapelketa jokatu eta astebetera. Gizonezkoen XLV. ekitaldia egin zuten, eta emakumezkoen XIII. aldia. Itsas baldintzak giltzarri izan ziren estropadetan, eta emaitzei bete-betean eragin zieten. Iazko garaile Bermeo-Urdaibai hautagai nagusia izanagatik ere, baldintza horien artean ezustekoa eman zuena Zarautz izan zen, gizonezkoen lehian. Zarauztarrek 20.51n gelditu zute denbora. Bigarren eta hirugarren postuei dagokienez, borrka handia egon zen Portugaleteren eta Santurtziren artean. Nerbioiren ezkerraldeko klub biak segundo biren tartean helmugaratu ziren: Portugalete, bigarren, 21.16ko denboragaz; Santurtzi, hirugarren, lanak 21.18an burutu ondoren.
Zarauztarrak, Lekeitioko Ikurriñagaz. Argazkia: Bermeo Arraun Argazkiak.
Podiumaren atarian geratu zen Bou Bizkaia-ko eskifaia, laugarren, 21.22koagaz. Mundakako eta Elantxobeko arraun elkarteek osatutako Busturialdeak, 22.03koa denbora eginda, sailkapeneko 12. postua lortu zuen; etxeko talde Isuntza, ostera, 15. postuan helmugaratu zen, 22.11koagaz.
Emakumezkoen estropadako protagonista biak, lehia betean. Argazkia: Bermeo Arraun Argazkiak.
Garaipena, segundo baten tartean.
Emaumezkoen bandera zeinek lortuko, borroka izugarria egon zen Hondarribiaren eta Zumaiaren artean. Lehenengoak nagusitu ziren, itsas baldintzei aurre eginez; 11.17ko denboragaz lortu zuten garaipena. Segundo bakarragatik hartu zion aurrea Hondarribiak Zumaiko eskifaiari. Podiuma, 11.32koagaz, Hibaikak osatu zuen. Ondarroa AE ohorezko postuetatik urrun sailkatu zen: seigarren, 11.45eko denboragaz.
