Zapatuan lehiatuko da Eusko Label Ligako Ondarroako Bandera
Estropada Ondarroako badian egingo da, 18:15ean. Portua zabalik egongo da bertaratzen direnentzako.
Argazkia: Ondarroako Udala. Zapatuan honetan [abuztuak 24] jokatuko da Eusko Label Ligako 17. jardunaldia, Ondarroako badian, 18:15ean. Ondarroako XL. Bandera egongo da jokoan Cikautxo S.Coop eta Ondarroako Udalaren babesarekin antolatu duten estropada honetan.
Urtero bezala, arraun zaleen gunea egongo da Itsasaurre Plazan eta bertan, hainbat jarduera desberdinez gozatzeko aukera izango dute. Pantaila erraldoi bat jarriko dute plaza erdian eta Eusko Label bezalako produktuak dastatzeko aukera ere egongo da. Ondarroako Arraun Elkartetik elkarteko kamisetekin kalera ateratzeko gonbidapena luzatu die zale guztiei.
Argazkia: Ondarroako Udala.
