Bihar amaituko da Mutrikuko binakako pala txapelketan izena emateko epea
Irailaren 28an [zapatua] hasiko da txapelketa. Hamasei urtetik gorakoentzako txapelketa izango da eta bikoteko 50 euro ordaindu beharko dira.
Mutrikuko Danok Bat Elkarteak udalarekin batera antolatu du aurten ere Binakako Pala Txapelketa eta bihar [irailak 20] amaituko da izena emateko aukera. Irailaren 28an [zapatua] emango diote hasiera txapelketari Muruaitz pilotalekuan, ohi baino leheneago: “Aurten apur bat lehenago hasiko dugu txapelketa, gabonetako egunekin ez batzeko”. 16 urtetik gorakoentzako lehiaketa da eta bikote bakoitzaik 50 euro ordaindu beharko ditu izena emateko momentuan.
Hiru mailatan bereizi dute txapelketa eta bikoten mailaren arabera antolakuntzak aldaketak egin ditzakeela zehaztu dute, “maila bakoitzeko berdintasuna bermatzeko”. Sarien artean txapelak, materiala, garaikurrak eta abar egongo direla zehaztu dute antolatzaileek.
