Urte berriari hasiera, Gabonetako zozketagaz
Markina-Xemeingo Hemen Be Bai merkatari elkarteak Gabonetako zozketa egin du; hiru sari banatu dituzte.
Irabazleetako bat, sariagaz.Hemen Be Bai Markina-Xemeinen ere egon da egitekoa Gabonetan. Domekan [urtarrilak 5] Erregeen kabalgataren ostean, bertso poteoagaz eta Hemen Be Bai merkatari elkartearen zozketagaz eman zieten amaiera Gabon ospakizunei. Hala, Markina-Xemeingo Bertso Eskolaren eskutik, Kintal tabernan hasi zuten poteoa Irune Basagoiti, Alexander Idoeta eta Nerea Elustondo bertsolariekin: «Bertso poteoa oso polita eta alaia izan zen. Giro oso ona egon zen».
Zozketan, ostera, merkatari elkartea lau sari banatzekoa zen arren, 150 euroko saria banatu barik geratu zen, irabazlea eta ordezkoa ez zirelako agertu. Hala, 500 euroko bonuaren irabazlea Elena Mentxaka izan zen; 250 eurokoarena Marta Iketza, eta 100 eurokoarena Mila Kalzakorta.
