Master Goxua Txapelketako bederatzi partida jokatuko dituzte eguenetik domekara
Hirugarren jardunaldiari bihar [urtarrilak 9], 19:45ean, emango diete hasiera pilotariek, frontoi txikian.
Bigarren jardunaldia abenduan jokatu zuten.Markina-Xemeingo Esku Pilota taldea Giro herrikoian murgilduta, pilotariek jokatu dituzte jada Master Goxua Txapelketako bi jardunaldi. 60 pilotariren arteko lehia martxan egongo da datorren martxoaren 28an finalak jokatzen dituzten arte. Hala, astero eguenetik domeketara jokatuko dituzte finala heldu bitarteko partidak.
Gabonetako geldialdiaren ostean, prest daude urte berriari Markina-Xemeingo frontoi txikian hasiera emateko. Bihar [urtarrilak 9], 19:45etik aurrera, bi partida ikusteko aukera egongo da: Peio Etxebarrieta-Aner Arriola eta Amoto-Oier Urrutia alde batetik, eta Latxi-Goitia eta Zubiria-Gomez bestetik. Etzi [urtarrilak 10], ostera, 20:00etan hasiko dira partidak: Zorion Kareaga-Agirregomezkorta bikoteak Bustindui-Ezpeletaren aurka jokatuko du, eta Xabi Arteaga-Koldobika Puentek ostera, Anso-Legarra bikotearen aurka.
Asteburuko partidak zapatuan hasiko dituzte, 17:30ean. Lehenengo mailako hiru partida jokatuko dituzte pilotariek: Muñozguren-Kato eta Varela-Unanue, Onagoitia-Urizar eta Perran anaiak eta azkenik, Ander-Arkaitz eta Laka-Arrate. Domekan, aldiz, 18:00etan hasiko dira partidak: Esnaola-Mujika bikoteak Gorostizaga-Arandia bikotearen aurka jokatuko du, eta Berasaluze-Isasi bikoteak, ostera, Uriguen-Azurmendiren aurka.
Bigarren jardunaldia. Abendu amaieran jokatu zituzten pilotariek urteko azken partidak, bigarren jardunaldian. Lehenengo mailako partidetan Lakak eta Arratek nagusitasuna erakutsi zuten Kareagaren eta Agirregomezkortaren aurka, 18-9 irabazita; Ander-Arkatiz eta Etxebarrieta-Arriola pilotarien partidak orekatuago egon ziren arren, azken bikoteak 18-13 irabaztea lortu zuen; Gorostizaga eta Arandia ere, nagusi izan ziren frontoi txikian, Latxiri eta Goitiari 18 eta 3 irabazita.
Bigarren mailako partidei dagokienez, ostera, bi partida jokatu zituzten. Gomez mina hartuta zegoenez, Olaldek jokatu zuen bere partez, Zubiriagaz. Uriguen eta Azurmendi eduki zituzten aurkari, eta euren alde egin zuen markagailuak, 18-10. Azkenik, Adorrixak eta Gandixak jokatu zuten Atxurraren eta Malaxetxebarriaren aurka, eta 18-4 irabazi zuten.
Bigarren jardunaldia abenduan jokatu zuten.Markina-Xemeingo Esku Pilota taldea
