Arkitektura eta bizikidetza landuko dituzte gorputzaren eta dantzaren bitartez
Ianire de Andresek 'Auzoan gora eta behera, dantza da nire ibilera' tailerra emango du zapatuan [otsailak 15] Uhagonen. Gaur [otsailak 13] da izena emateko azken eguna.
Marrazkia, literatura, gorputz adierazpena eta dantza elkartuko ditu zapatuan [otsailak 15] Ianire de Andresek Uhagon Kulturgunean, 16:30ean. Auzoan gora eta behera, dantza da nire ibilera izenagaz, hirigintza kontzeptuen inguruan hausnartuko dute umeek, jolasaren eta gorputzaren zentzumenen bitartez.
Bi taldetan banatutako tailerra izango da. 4-6 eta 7-9 urte bitarteko umeentzako tailerra izango da, euren guraso edo tutoreekinbatera. Hala, hainbat ariketaren bitartez, gogoeta eginaraziko die de Andresek familiei: “Hainbat dinamika proposatuko dira hiri eta herri ingurunean bizitzeak dakarren bizi-esperientzian sakontzeko eta jabetzeko, azken finean, inguru horren parte garela, alegia, auzo eta komunitate horren parte garela jabetzeko”. Jolasaren bitarten egingo dute dena: “Giro atsegina eta dibertigarria sortuko dugu, eta taldean elkarreraginean arituko gara. Batez ere, umeen eta euren guraso edo tutoreen artean lortura eta konplizitate uneak sortuko ditugu”.
Izen ematea gaur [otsailak 13] itxiko duten arren, oraindik aukera dago tailerrean parte hartzeko. Horretarako 640 290 964 telefonora deitu edo kulturgunea@uhagon.com helbidera idatzi beharko da.
