40.000 euroko kostua eduki du Lea-Artibaiko Mankomunitatearen txakurtegi zerbitzuak
Lekeition eduki du kostu handiena, 12.351,66 eurokoa, hain zuzen ere. Txakurtegitik adopatzeko aukera ere eskaintzen dute; gaur gaurkoz, zazpi txakur dituzte adoptatzeko aukeragaz.
Lea-Artibai Mankomunitateak abandonatutako txakurrak jaso eta txakurtegi zerbitzuaren bitartez zaintzen dituzte. Hala, iaz 40.000 euroko kostua eduki zuen txakurtegiak. Lekeition eduki du kostu handiena, 12.351,66 euro hain zuzen ere. Atzetik daude Markina-Xemein eta Ondarroa, 11.547,89 euro eta 9.936,70 euroko kostuekin, hurrenez hurren. Berriatuan, ostera, 5.314,32 euroko kostua eduki du, eta Etxebarrian eta Ispasterren 84,70na euro. Era berean, mankomunitatetik gogorarazi nahi izan dute txakurrei txipa ipiniz gero, kostua laburtu egingo litzatekeela.
Txakurtegian jasotako txakurrak adoptatzeko aukera ere eskaintzen dute. Halaber, gaur gaurkoz zazpi txakur dituzte adoptatzeko: Thor rottwailerra, Cerbero mastin espainiarra, Lula mastina eta arraza mestizoa duten Blainder, Pintas, Crash eta Lana. Bi urteko txakurretatik zortzi urterainokoak daude txakurtegian; lau dira arrak eta hiru, emeak. Informazio gehiago lea-artibai.org web orrian dago eskuragarri.
