Markina-Xemeingo pentsiodunek ekin diete sinadura bilketari
Apirilaren 24ra arte egongo da sinatzeko aukera, udaletxeko harreran. Bestalde, Euskal Herriko Pentsiodunen Mugimenduaren hitzaldia egongo da barikuan [martxoak 7], Lekeition
Eskualdeko beste hainbat herritan bezala, Markina-Xemeinen ere pentsiodunek sinadura bilketa abiatu dute. Hala, Euskal Herriko Pentsiodunen Mugimenduagaz bat eginda, Herri Ekimen Legegilea sustatzeko babesa adieraziko diete sinadurekin: “Gutxienezko pentsioa gutxieneko soldatarekin parekatzea da euren eskabidea”. Hori horrela, Markina-Xemeinen apirilaren 24ra arte egongo da sinatzeko aukera, udaletxeko harreran, 08:15etik 14:30era.
Lekeition egongo da Herri Ekimen Legegileari buruzko informazioa jasotzeko hurrengo aukera. Izan ere, barikuan [martxoak 7] Euskal Herriko Pentsiodunen Mugimenduak hitzaldia emango du kultur etxeko Azkue Aretoan. 18:30ean hasi eta 19:30ean amaitzea aurreikusten dute; zazpi urteko laburpen bat egiteaz gain, azalpen bideo bat eta Herri Ekimen Legegileari buruzko azalpenak emango dituzte.
