Final laurdenekin hasiko dira Goxua Txapelketan
Lehenengo mailako pilotariek jokatuko dituzte final laurdenak, eguenean eta barikuan [martxoak 6 eta 7].
Jardunaldi askoren ostean, lau aste baino ez dira falta Goxua Txapelketa amaitzeko. Lehenengo mailako pilotarien artetik jada erabakita daude final laurdenak jokatuko dituzten zortzi bikoteak. Hala, asteon egongo da final laurdenetako partida batzuk ikusteko aukera.
Eguenean [martxoak 6] 19:45ean hasiko dira partidak. Lehenengo Unai etxa Xabat Uzuriagak jokatuko dute Txirloiren eta Allendaren aurka, eta ostean, lehenengo final laurdenaren txanda izango da: Muñozguren-Kato eta Aldape-Aranburu.
Barikuan [martxoak 7] aldiz, Anitua-Basterretxea eta Adorrixa-Gandixa bikoteek hasiko dute jarduna. Ostean, bi final laurdenen txanda izango da: lehenengo, Iñakito eta Agarre neurtuko dira Berasaluzeren eta Isasisren aurka, eta ostean, Esnaola-Mujika bikotea Onagoitiaren Urizarren aurka.
Zapatuan [martxoak 8] jokatuko dituzte asteko azken partidak, 17:00etatik aurrera; denak bigarren mailako partidak izango dira. Lehenengo Peio Etxebarrieta eta Aner Arriola ariko dira Bustinduiren eta Ezpeletaren aurka. Ostean, Laka-Arrate eta Amoto-Urrutia bikoteen arteko lehiaren txanda izango da. Jardunaldiagaz amaitzeko, Arrieta anaiek jokatuko dute Andoni eta Jokinen aurka.
Partida bakarra. Joan den astean bi partida jokatzekoak ziren arren, inauterien eraginez horietako bat bertan behera geratu zen. Hala, Esnaola-Mujika eta Latxi-Etxebarria bikoteen arteko lehia ikusteko aukera baino ez zen egon; lehenengo bikotea kantxako jaun eta jabe izan zen, Latxi eta Etxebarria 18 eta 7 mendean hartuta.
