Mendexako Kuku-Habixa Elkarteak Santurtzi bisitatzeko txangoa antolatu du
Izena emateko azkenengo eguna martxoaren 11 [martitzena] izango da.
Emakumeen Nazioarteko Egunaren harira, Santurtzi bisitatzeko irteera antolatu du Mendexako Kuku-Habixa Elkarteak martxoaren 15erako [zapatua]. Udaletxean edo 94-684 21 06 zenbakira deituta eman ahalko da izena, eta azkenengo eguna martxoaren 11 [martitzena] izango da.
Mendexako Plazatik aterako dira matxoaren 15ean, 8:30ean, eta 11:00etan bisita gidatua izango dute Santurtziko Agurtza itsasontzi museoan. Ondoren, udalerriaren erdigunera joango dira, eta 15:00etan Galiziar Etxean bazkalduko dute. Bazkalostean, Bizkaiko Zubira igotzeko aukera edukiko dute irteeran parte hartu dutenek, eta 19:30ean bueltarako autobusa zain izango dute. “Irteeraren prezioa 50 eurokoa da eta Bizkaiko Zubira igo nahi dutenek, 10 euro gehiago ordaindu beharko dute”. Kuku-Habixa Elkarteak irteeran izena emateko deia egin du, eta gomendio legez, Barik txartela eramateko proposatu die interesa dutenei.
