Miren Amurizak eskualdean egingo du hurrengo geldialdia
Barikuan [martxoak 7] Markina-Xemeinen eta domekan [martxoak 9] Aulestin egongo da idazlea. 'Pleibak' bere azken liburuaren inguruko bertso saio literarioa nahiz solasaldia eskainiko ditu.
Miren Amurizak eskualdean ditu hurrengo bi hitzorduak. Pleibak bere azken liburuaren inguruko xehetasunak eta idazlearen asmoak ezagutzeko gogoz daudenek barikuan [martxoak 7] Markina-Xemeinen edo domekan [martxoak 9] Aulestin edukiko dute aukera.
Markina-Xemeingoari dagokionez, bertso saio literarioa izango da. 19:30ean elkartuko dira Uhagon kulturgnean, eta musikak, bertsoek eta literaturak hartuko dituzte Uhagoneko txoko guztiak, “elkarrizketa berezi bat” sortuz. Amurizaren testuei Miren Narbaiza Mice-ren musikak akonpainatuko die. Kantuan ostera, Nerea Ibarzabal etxeko bertsolariagaz batera ariko da Uxue Alberdi. Sarrerak 5 euroren truke eskuratu daitezke, Uhagonen (bazkideentzat, 3 euro).
Aulestin, aldiz, Amurizagaz gertutik hitz egiteko aukera egongo da. 11:30ean udal liburutegian ipini dute hitzordua, eta solasaldia egingo dute idazleagaz. Hala, Pleibak irakurri gabe dutenei dei egin diete liburutegian eskatu eta irakurtzeko.
