Finalaurrekorako txartela, jokoan
Domekan [martxoak 16] Lekeitioko Beteranoen Trinkete Txapelketako azken final laurdena jokatuko dute pilotariek.
Hilabete baino gutxiago Lekeitioko Beteranoen Trinkete Txapelketako finalerako. Domekan [martxoak 16] azken final laurdena jokatuko dute, eta bikote irabazleak finalaurrekoetako bat jokatuko du martxoaren 23an, Lander eta Foster bikote beteranoaren aurka. Finala, ostera, apirilaren 6an jokatuko dute.
Domekan honetan [martxoak 16] txapelketan parte hartzen dute bi bikote lekeitiar gazteen arteko lehia ikusi ahalko da. Izeitxo eta Martxel neurtuko dira Mendezen eta Ibonen aurka, 10:00etan. Faboritoak Izeitxo eta Martxel diren arren, “partida polita” espero dute antolatzaileek: “Partida polita izatea espero dugu, gehienbat Mikel Mendezek egin duen hobekuntzarengatik. Ibonek atzean laguntzen badio, aurreikuspenak apurtu ditzakete”.
Era berean, urteroko bisita kulturala egingo dute txapelketako kideek. Asteburuan Nafarroako Gartzaron herrira joango dira, urteroko eskuzko txapelketa jokatu eta bertako inguruak ezagutzera.
