Markina-Xemeingo zesta eskolak internet bidez emango ditu barikuetako partidak
Euren YouTubeko kanalean ikusi ahalko dira barikuetako partida guztiak: "Nor dagoen jokatzen, markagailua eta ordua ikusi ahalko dira".
Markina-Xemeingo Zesta Eskolak YouTubeko kanal berria sortu du, bertatik zuzenean eman ahal izateko barikuetako partidak. Hala, jakitera eman dutenez, astean zehar kanalean bertan emango dute asteburuko partiden programa. Adierazi dute gaur gaurkoz kantxaren atzeko aldean ipinitako kamara batek grabatutako irudiak emitituko dituztela: “Nor jokatzen dagoen, markagailua eta ordua ikusi ahalko dira”. Jokatutako azken partidei dagokienez, joan den asteko finala bertan ikusgai dago.
Kanalera harpidetzeko deia egin diete zaleei: “Horrela errazago aurkituko gaituzue, eta zesta eskolari ere, laguntza emango diozue”. Era berean, gogorarazi dute barikuetan, normalean, Unin ez dela sarrerarik ordaindu behar, eta taberna martxan egoten dela.
