Pazkoetako idi probak apirilaren 4tik 8ra jokatuko dituzte
Parte hartu nahi dutenek martxoaren 16an eman beharko dute izena, Etxebarriko Udalaren bulegoetan.
Pazkoetako idi proben 70. sari nagusia jokatuko dute apirilaren 4tik 7ra Etxebarriko probalekuan. Idi deman parte hartu nahi dutenek domeka honetan [martxoak 16] eman beharko dute izena, 12:00etatik 13:00etara, Etxebarriko udaletxera deituz (94-616 64 32).
Aurtengoan ere, sari potoloak banatu dituzte. Izan ere, hamabi izango dira sariak: irabazleak 1.600 euro eta Ituarte Pentsuaken manta jasoko du. Horrez gain, hamabigarren postutik atzera geratzen direnei, gutxienez 25 untze eginez gero 500 euroko dieta jasoko dute. Lea-Artibai eskualdeko lehenengoak ere saria jasoko du: 300 euro eta Ezenaro Aroztegiaren akuilua, hain zuzen ere.
Baldintzak. Idi-pare guztiek 1.140 kiloko pisua edukiko dute oinarrian, eta idi buztarri pare bakoitzak bi akulari eroango ditu. Idi pare bakoitzari dagokion eguna antolatzaileek aukeratuko dutela azaldu dute, eta partaideak onartzeko eta baztertzeko eskubide osoa edukiko dute. Idiak 10:00etarako probalekuan egon beharko dira, pisatzeko. Lehiaketa kontrola Euskal Herriko Kirol Federazioak eroago du, eta proba guztietan dopin kontroleko arauak betetzen direla bermatuko dute; zalantzarik egongo balitz horietan jasotako erabakiak onartuko dituzte.
