Arte eskaintza aztertzeko hitzordua izango dute Mutrikun
Bihar [martxoak 19] eta maiatzaten 21ean egingo dira saio monografikoak, udaletxean.
Mutrikuko Udalak norbanako eta kultur elkarteekin elkarlanean udalerriko arte eskaintzaren diagnostikoa egingo du. Herriko umeentzat arte eskaintza “gutxi” dagoela ikusi zuen guraso elkarteak, eta hortik tiraka, bi saio burutuko dituzte. “Arte eskaintza aztertzea izango da lehenengo helburua, eta ondoren, zertan inbertitu behar dugun eta zein eskaintza berri behar ditugun mahaigaineratuko dugu. Horrez gain, hurrengo bi ikasturtetako proposamenak zehaztuko ditugu”.
Mutrikuko Udaletik dei egin die norbanako eta kultur elkarteei bihar [martxoak 19] eta maiatzaren 21ean egingo diren saioetan parte hartzera. Udaletxean izango dia bi saioak, 18:00etatik 19:15era.
