Mendexako klima eta energia plana aurkeztuko du udalak
Azken urtean Mendexako Udalak garatutako klima eta energia plan integratuaren herri aurkezpena egingo du udalak bihar [martxoak 27], 18:00etan, udaletxean.
Azkenengo urtean garatutako Klima eta Energia Plan Integratuaren berri emateko herri aurkezpena egingo du gaur Mendexako Udalak. 18:00etan Mendexako udaletxean elkartzeko deia zabaldu dute. Hasteko, udalerriko diagnostikoaren laburpena egingo dute, eta ondoren, Energia Planaren helburuak eta nondik norakoak azalduko dituzte. Gainera, klima aldaketaren inpaktuaren aurrean, Mendexak jasan ditzakeen ondorioez ere hitz egingo dutela jakinarazi dute.
Azken urteetako udal kontsumoaren bilakaera aztertuko dute, eta gehien kutsatzen duten sektoreen analisia egiteaz gain, beraien arteko konparaketaren emaitzak mahaigaineratuko dituzte. Amaitzeko, datozen urteetara begira jarriko dira, eta udalak aurreikusi dituen ekintza garrantzitsuei buruz hitz egingo dute