60 partaide baino gehiago izan ditu Tximistaren gau lasterketak
Antolatzaileek lasterketaren balorazio positiboa egin dute.
Lekeitioko Tximista Atletismo taldea ere Lekeitio 700 egitasmora batu da, eta hala, gau lasterketa antolatu zuten joan den barikurako [martxoak 28]. Herriko puntu esanguratsuak aukeratu, eta horiek zeharkatuz egin zuten ibilbidea partaideek.
Antolatzaileek azaldu dutenez, 60 korrikalari inguruk parte hartu zuten, eta “espero baino hobeto” joan zen korrikaldia: “Ez genekien zer espero, eta azkenean umeen parte hartzea polita izan zen; 60 ume inguruk parte hartu zuten. Interesgarria eta polita izan zen, argiekin egin genuen ibilbidea. Umeekin batera euren gurasoak ere etorri ziren. Balorazio positiboa egin dugu, egia esan”.
