Mutrikuko Arku Gain Elkarteak jaso du aurtengo Berdel Aipamena
Mutrikuko itsas ondarea "zaintzeko eta balioan jartzeko" egindako lanagatik jaso du Arku Gain Elkarteak aurtengo Berdel Aipamena. Ekitaldia barikuan [martxoak 28] ospatu zen, Zabiel Kultur Etxean.
Arku Gain Elkarteak jaso du Berdel Aipamena. Mutrikuko Udala. Berdel Eguneko egitarauaren barnean, urtero legez, Berdel Aipamen ekitaldia antolatu zuen Mutrikuko Udalak barikuan [martxoak 28]. Aurten, Arku Gain Elkarteak jaso du aipamena, “Mutrikuko itsas ondarea zaintzeko eta balioan jartzeko egindako lanagatik”.
Mutrikuko Udalak elkartearen “lana eta jarrera aktiboa” azpimarratu zuen: “Haien dedikazio eta ahaleginari esker, gure historiaren eta kulturaren funtsezko zati bat gordetzea lortu da. Hortaz, Mutrikuko Udalak, bereziki aitortu nahi du bere jarrera aktiboa gure udalerriko itsas ondarea sustatzeko eta zabaltzeko giltzarri izan diren jarduera askotan”. Hala, bisita gidatu ezberdinak egiteko orduan, turismo alorrarekin izan duen elkarlana goraipatu du.
