"Denetarik" egon da Zubi Zahar Herri Ikastolako ikasleek antolatutako azoka solidarioan
Bizi baldintzen inguruan hausnartu ondoren, azoka solidarioa antolatu dute Ondarroako Zubi Zahar Herri Ikastolako ikasleek. Bertan loturtako ditua Danon Artin Elkartearentzat izango dela jakinarazi dute.
Azoka solidarioak hartu du gaurkoan Ondarroako Alameda; izan ere, Zubi Zahar Herri Ikastolako seigarren mailako ikasleak bizi baldintzen inguruko lanketan murgilduta ibili ondoren, goizeko azokagaz eman diote amaiera proiektuari. Bertan lortutako dirua udalerriko Danon Artin Elkartera bideratuko dutela jakinarazi dute. “Ikasleek beraien bizi baldintzak beste zenbait herrialdeetakoekin alderatu dituzte proiektuan zehar. Gainera, herritarrei laguntzeko prest dauden irabazi asmo gabeko elkarteei buruz informazioa jaso ostean, Danon Artin Elkartean jarri dute fokua”.
Bertso sorta baten bidez zabaldu dituzte azokako ateak 10:00etan, bertaratuei eskerrak eman, landutakoa plazaratu eta Danon Artin Elkartearen jardunaren berri emanez. Ondoren, dantza bat eskaini diete ikusleei, eta ongi etorria eman ostean, bakoitzak bere postua hartu eta azokako materiala saltzeari ekin diote. Ikastolako gainerako ikasleez gain, herritarrak ere joan dira azokara, eta “denetarik” erosi dute: eskuz egindako produktuak, bigarren eskuko jostailu, ipuin edota panpinak, eta ikasleek egindako janaria.Â
Duela bi aste hasi ziren ikasleak azokarako materiala biltzen, eta horretarako, ikastolako gainerako ikasleei ere laguntza eskatu zieten. Gaurkoan, ikasle bakoitzak hiru euro eraman ditu azokan produktuak erosi eta seigarren mailako ikasleei laguntzeko. Giro “ederrean” igaro dute goiza Zubi Zahar Herri Ikastolako ikasleek, materiala eta elikagaiak saldu eta bizi baldintzen inguruan hausnartuz.Â
