Markina-Xemeingo Udala Hobeki elkartera batu da
Hobeki elkarteak hondakinen kudeaketa jasangarri eta arduratsua bultzatzen du.
Markina-Xemeingo Udalak hondakinen “kudeaketa ekologiko eta arduratsuaren” aldeko apustua egin du. Teorian nahiz praktikan hondakinen kudeaketa jasangarri eta arduratsua bultzatzen duen Hobeki elkartera batu dira, helburu zehatz batekin: “Helburua da bermatzea erakunde publikoek eta herritarrek konpromisoa hartuko dutela hondakinak murriztu, berrerabili eta birziklatzearekin, ingurumena eta osasun publikoa babesteari lehentasuna emanez”. Jakitera eman dutenez, gaiari lotutako doako ikastaro eta jardunaldiak ere eskaintzen dituzte elkarteko kide direnentzat.
