Bilatu
Sartu
  • izan HITZAKIDE
  • zozketak
  • eskaintzak
  • hemeroteka
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Amoroto
      • Aulesti
      • Berriatua
      • Etxebarria
      • Gizaburuaga
      • Ispaster
      • Lekeitio
      • Markina-Xemein
      • Mendexa
      • Munitibar
      • Mutriku
      • Ondarroa
      • Ziortza-Bolibar
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritziak
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Emakumeak Lerroburura
    • Naturan barrena
    • Euskaldunak Australian
    • Adimen A.
  • Nor gara
  • Publizitatea
  • izan HITZAKIDE
  • zozketak
  • eskaintzak
  • hemeroteka
Sartu
Gizartea

Goikolau Elkarteak Berriatuko Herri Ondarea Internet ataria aurkeztu du

Berriatuko Udalagaz elkarlanean eta Bizkaiko Foru Aldundiaren laguntzari esker sortu dute ondarea.berriatua.eus ataria.

Berriatuko Herri Ondarea egitasmoaren aurkezpena Ordezkariak, aurkezpenean.Goikolau Elkartea
Mikel Reina Barros
Berriatua
2025/04/14

Bilboko Plaza Berriko Euskaltzaindiaren egoitzan aurkeztu dute Berriatuko Herri Ondarea webgunea. Bertan izan dira Iñigo Manzisidor Goikolau Elkarteko ordezkaria, Joseba Goienola Berriatuko alkateak eta Leixuri Arrizabalaga Bizkaiko Foru Aldundiko Euskara, Kultura eta Kirol Saileko diputatua.

Iragana eta oraina elkartu eta komunitatea bera indartzen laguntzea du helburu egitasmoak. “Lehengo herritarrek sortutako ondarea eta egungo herritarrak sortzen ari direna ezagutaraziko ditu Berriatuko Herri Ondarea Internet atariak”, esan du Manzisidorrek. Horretarako, ataria modu oso grafikoan, erakargarrian eta errazean egin dutela nabarmendu dute. Gainera, bizirik dagoen webgunea da, hau da, etorkizunean informazio eta dokumentu gehiagoz osatu nahi dute.

Bertan, ondare material aberatsa ikusi dezakete herritarrek, kobazuloetako aztarnak, erdi aroko dorreak eta margutako etxeak, besteak beste. Horrez gain, ondare inmaterial oparoa dago ikusgai. Hau da, Berriatuko talde eta eragileek gaur egun egiten duten lana ezagutzeko aukera ematen dute elkarrizketa, bideo edota argazkien bidez baita ere.

Hain zuzen ere, berriatuarren borondatezko partaidetzan oinarrituta egiten du lan Goikolau Elkarteak, herri ondarea jaso, ikertu eta ezagutarazteko helburuagaz. Herri komunitaterik gabe ondarerik ez legokeela sinesten dugu, eta ondarea, era berean, herritarren sareak eraikitzen laguntzeko tresna delakoan gaude” esan du Manzisidorrek. Bide horretatik hainbat ekimen bultzatu dituzte, besteak beste, herriko eragileen lana aitortzeko Goikolau Sariak.

“Herri komunitaterik gabe ondarerik ez legokeela sinesten dugu, eta ondarea, era berean, herritarren sareak eraikitzen laguntzeko tresna delakoan gaude”

Horregatik, Berriatuko Udalagaz lankidetza hitzarmena sinatu dute, informazioa elkarbanatzeko eta elkar babesteko. Erakunde bakoitzak ondare mailan egiten duen ekarpena aitortuz eta Internet plataforma berria herri ondarea katalogatu eta ezagutarazteko tresna amankomuna izan dadin. Goienola alkateak “garrantzitsutzat jo du akordioa. Berriatuko Herri Ondarea egitasmoak osorik betetzen ditu udalak dituen helburu publikoak. Komunitate bizia eta kohesionatua izatea altxorra da gure moduko herrietan. Garai berrietara egokitzen dakien herria izaten jarraitu nahi dugu eta, aldi berean, aurrekoek egindakoari begirunez begiratzen dioena. Zentzu horretan Goikolau Kultur Elkartea osatzen duten moduko herritar talde bat izatea guztiz aberasgarria da eta oso eskertuta gaude egiten ari diren ekarpenarengatik”.

Berriatuko Herri Ondarea egitasmoaren aurkezpena

AurkezpenaGoikolau Elkartea

Bide beretik jo zuen Arrizabalagak, aldundiaren laguntza “ezinbestekoa” izan dela esatean: “Aurreko urteetan Goikolau Kultur Elkarteak egindako lana batu, sailkatu, aurkeztu eta modu bizi eta dinamikoan kontsultatzeko aukera ematen digun tresna ezagutu dugu gaur. Urteetan egindako lanari balio erantsia ematen diona, herritarren eskura jartzea, zabaltzea eta dibulgatzea”.

Modu ulergarrian
Laratza datu-basea du oinarri Berriatuko Herri Ondarea Internet atariak. Ondarearen dokumentazioan eta datu baseen garapenean aditua den Nere Erkiagaren aholkularitza eta diseinuagaz eta Codesyntax enpresaren jakintza teknologikoagaz garatu dute Laratza datu-basea. “Ondare-elementuen katalogazio eta argitalpenak eragiten dituzten zailtasun eta konplexutasunak menderatzen ditu, erabiltzaileentzat informazio guztia modu erraz eta ulergarrian eskuragarri jarriz”.

Berriatuko herri ondareari buruzko informazioa eta dokumentu guztiak Interneten modu eraginkor batean jartzeko helburuagaz sortuta dagoen arren, beste herrietan ondarearen inguruan jaso den lan handia erakusteko tresna izan daitekeela uste dute.

Aurkezpen ekitaldia baliatu du Goikolau Kultur Elkarteak, lan esparru berean eredu izan dituen Labayru Fundazioa, BizkaiKOA erakundearen Ondarearen Europako Jardunaldiak eta Xenpelar Dokumentazio Zentroa eskertzeko. “Berriatuko Herri Ondarea” errealitate egin duten erakundeen eskutik jaso dituzte Balentin Laka eskultoreak egindako Goikolau ikurrak.

 

 

 

 

 

Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Azken 3 egunetako irakurrienak

 

 

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Asteko albiste garrantzitsuenen buletina jaso nahi?

Buletina barikuetan bidaltzen da, eta Lea-Artibai eta Mutrikuko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-684 44 36
  • lea-artibai@hitza.eus
  • Arretxinaga etorbidea, 1 - 48270 Markina-Xemein
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.