Lekeitiorekin harremana duten hainbat olerkari erakusteko, 'Tinta iluntzean'
Bihar (urriak 10), Lekeitioko Kultur Etxeko Azkue aretoak hitzordua du: 'Tinta iluntzean' errezetaldian elkartuko dira, Karmele Jaio eta Txili Lauzirikarekin batera, Lekeitio 700 egitasmoaren baitan.
Tinta iluntzean errezitaldia egingo dute, bihar [urriak 10], 19:00etan, kultur etxeko Azkue aretoan. “Batzuk bertan sortu ziren eta kanpora joan dira, eta beste batzuk gurera etorri dira inspirazio bila. Horien artean ditugu Karmele Jaio kazetari eta idazlea eta Txili Lauzirika olerkaria. Biek poesia emanaldia eskainiko digute lagunarteko giroan”, azaldu dute antolatzaileek.
Ze, Lekeitioko hiriburuak 700 urte beteko ditu aurten; 2025eko azaroaren 3an, hain zuzen ere. Horren baitan, eta “herriko ondare aberatsa ezagutzeko” asmoz, jarduera-programa zabal bat burutzen ari dira, Lekeitio 700 izenpean. Hamaika ekintza egin dituzte dagoeneko, eta Tinta iluntzean errezitaldia izango da hurrena, besteak beste.
Hala nola, azaldu dute Karmele Jaiok Orain hilak ditugu eta Txili Lauzirikak Tatuaia bat ene begietan poesia liburuak argitaratu dituzten heinean, Lekeitiorekin harremana duten “hainbat olerkari” daudela erakusteko modu bat dela bihar arratsaldean Azkue aretoan egingo den ekimena.
Nola ez, zehaztu dute errezitaldia euskaraz izango dela, 19:00etatik aurrera, eta sarrera dohainik izango dela, beti ere, edukiera bete arte.
