Barikuan hasiko da X. Loratu Mutriku bonu kanpaina
Herriko aktibitate komertziala suspertu eta herritarren ekonomian laguntzea du helburu. Bi asteko iraupena izango du: azaroaren 2an [domeka] amaituko da.
Mutrikuko udalak X. Loratu Mutriku bonu kanpaina aurkeztu du. Mutrikuko Udala. Mutrikuko Udalak herriko aktibitate komertziala suspertu eta herriko familien ekonomian laguntzeko helburuz, X. Loratu Mutriku bonu kanpaina jarriko du martxan bihar [urriak 17]. Aurreko urteetako kanpainek izandako “arrakasta” ikusita, urtero errepikatu izan da; udaberrian zein udazkenean. Hala, bihar hasi eta bi astez egongo da martxan: azaroaren 2ra arte.
Udazkeneko kanpainarekin 40.5000 euro mugituko dira merkatari eta ostalarien artean, eta herriko familien erosteko ahalmena 13.500 eurorekin diruz lagunduko du udalak. “2020ko udazkenean antolatu zuen lehen bonu kanpaina Mutrikuko Udalak, eta herriko hainbat sektoreen aktibitatean inpaktu baikorra izan zuen. Gainera, herritarrengan ere, oihartzun zabala izan zuen eta askok eskertu zuten ekimena aurrera eraman izana”.
Ezaugarriak. Udaletik azaldu dutenez, 15.000 eurorekin 1.350 bonu finantzatuko ditu; bonu sorta bakoitza 30 eurokoa izango da, eta frakzionatuta egongo da: 10 euroko frakzio bat eta 5 euroko lau frakzio. Udalak salgai jarritako 20 euroko bonua erostean herritarrak 20 euro ordainduko du, eta udalak jarriko ditu gainerako 10 euro. Era horretan, erosketa tiketaren zenbatekoa bonuaren frakzioaren kopuru berekoa edota handiagoa izan beharko da.
Gainera, bonuak erosteko nahitaezkoa izango da Mutrikun erroldatuta egotea. Sei urtetik gorako herritar bakoitzak bonu sorta bat erosi ahalko du. Bihar [urriak 17] ipiniko dituzte bonuak salgai turismo bulegoan. Martitzenetik eguenera 10:00etatik 14:00etara egoten da zabalik; bariku eta zapatuan 10:00etatik 14:00etara eta 16:00etatik 18:00etara.
Bonua erosteko nortasun agiria erakutsi beharko da. Hala ere, aukera dago lagun edo familiako kideenak erosteko, euren nortasun agiriaren kopia erakutsita. Erosketa bakoitzean gehienez bi bonu erosi ahal izango dira batera, eta ordaintzeko lehentasunezko sistema banku txartela izango da. “Ezinezkoa den kasuetan bakarrik onartuko da esku dirua”.
Kanpainak bi aste iraungo du, eta bitarte horretan, herritarrek 37 establezimendutan erabili ahalko dituzte bonuak. Mutrikuko Udalak establezimenduen esfortzua eskertu du: “Eurek ez dute etekin zuzenik ateratzen, baina bonotan jasotako diru kopuru guzti aurreratu egiten dute”.
Honakoak dira kanpainara atxikitutako establezimenduak: Alazne Optika, Albaro denda, Alboka okindegi eta kafetegia, Aldana burdindegia, Alday hortz klinika, Ametza taberna, apain estetika zentroa, Aparra arropa denda, Apartak ileapaindegia, Arrizabalaga harategia, Bare bare taberna, Bigara fruta eta barazkiak, Dilaitz barne diseinua, Dotore ileapaindegia, Garaia arropa denda, Gotzon arrandegia, Iparraguirre altzariak, Iratxe masaje zentrua, Iripe elektradenda, islada fisioterapia, Itxasne frutategia, Joseba Elezgarai masaje eta osteopatia, Josune ileapaindegia, Kalbaixo jatetxea, Lasuen Elezgarai botika, Leize erretegia, Lekube burdindegia, Lon Apraiz botika, Madariaga paperdenda, Maider pinto estertika eta terapia energetikoak, Maneiro lentzeria, Olaizola arropa denda, Aldapan, Zelaieta jatetxea, Sabina denda, Tximak ileapaindegia, Ziortza ileapaindegia.
