Zabalik dago Lekeitioko pala txapelketetan izena emateko epea
Lehen aldiz, emakumeentzako pala tenis txapelketa antolatu dute. Abenduaren 8a da izena emateko azken eguna.
Lekeitioko Akarregi pilota elkarteak prest ditu pala txapelketak, aurten berritasunak ditu gainera. Lehen aldiz emakumeentzako pala tenis txapelketa antolatu dute. Horrez gain, Lekeitioko III. paleta goma jokatuko dute. Hain zuzen ere, bi txapelketetan parte hartzeko izen emate epea gaur [azaroak 24] zabaldu dute.
Bi txapelketen kasuen abenduaren 8ra arte dago zabalik izena emateko epea. 674 56 18 00 telefonora deituz edo akarregipilota@gmail.com posta elektronikora idatziz eman daiteke izena. Paleta gomaren kasuan, bikote bakoitzak 30 euro ordaindu beharko ditu eta antolatzaileek zehaztu dute hiru maila egongo direla, baina bikoteen mailaren arabera aldaketak egin ahal dituela maila bakoitzeko berdintasuna ziurtatzeko. Nesketan bikoteko 15 euro ordaindu behar dituzte eta maila bakarra egongo da. Urtarrilaren 9an hasiko dituzte txapelketa eta nesken finala martxoaren 19rako dago aurreikusita. Martxoaren 21erako daude zehaztuta paleta gomako finalak.
Paleta goman partiduak 25 tantura jokatuko ditutze eta derrigorrezkoa da betaurrekoekin jokatzea. Hurrengokoak dira partidak jokatzeko zabaldu dituzten egunak eta ordutegiak: astelehenetik eguenera 20:00etatik 22:00etara, barikuetan 19:00etatik 22:00etara eta zapatuetan 09:00etatik 13:00etara eta 17:30etik 19:00etara. Egutegi ofizialetik kanpo jokatzeko, bi bikoteen artean adostasuna egon beharko da eta haien artean adostuko dute jokatzeko data berria, antolakuntza gutxienez astebete arinago abisatuz frontoia erreserbatzeko. Ligaxka formatuan jokatuko dute lehen fasea eta kanporaketak izango dira gainontzekoak.
