Bizkaiak Berdintasunerako Lurralde Sarea indartu du: Berriatua eta Munitibar sarean sartu dira 12 udalerri berrirekin batera
Berriatua eta Munitibar sartu dira aurten Lurralde Sarean, eta Bizkaiak 86 udalerri biltzera iritsi da, genero-politikak udalerrietako eguneroko jardunean txertatzeko eta udal txikiei laguntza espezifikoa emateko helburuarekin.
Emakumeen eta Gizonen Berdintasunerako Lurralde Sareraren urteko batzarra. Bizkaiko Foru Aldundia. Bizkaiko Foru Aldundiak “urrats esanguratsua” eman du genero-politiken garapenean, Emakumeen eta Gizonen Berdintasunerako Lurralde Sarea handituz eta sendotuz. Aurten, Berriatua eta Munitibar batu dira sare estrategiko honetara, beste hamar udalerrirekin batera. Hazkunde esanguratsu horri esker, egitasmoak 86 udalerri barne hartzen ditu jada, Bizkaiko lurralde osoaren %76,1 ordezkatuz.
Urteko batzarrak 2025eko balantzea eta 2026ko udal ekintza gidatuko duen la ildoak aurkeztu berri ditu. Hala, topaketan 1.000 biztanletik beherako udalerrietako estrategia eta urtean zehar lortutako aurrerapenak aztertu dira. Horrez gain, Aldundien eta udalen arteko koordinazioa indartzea asmo, Lurralde Sareak Kontseilua eta Lehendakariordetza berritu ditu.
Bizkaiko Foru Aldundiko Enplegua, Gizarte Kohesioa eta Berdintasuna Sustatzeko diputatuak, Teresa Laespadak, azpimarratu du Lurralde Sarea dela “gure espazio komuna; hausnarketarako, ikaskuntzarako, elkarrizketarako eta erakundeen arteko koordinaziorako”, eta horrek udalerriek euren politiketan genero ikuspegia txertatzeko duten gaitasuna handitzen duela nabarmendu du. Laespadaren hitzetan, “udal batek genero-ikuspegia txertatzen duenean, aldaketa berehala sentitzen da”, eta horrek zuzenean eragiten du eguneroko bizitzan, zerbitzuetan eta herritarren arreta politikoan. Gainera, diputatuak nabarmendu du udal txikien parte-hartzeak “foru-politiken kapilaritatea indartzen” duela.
Batzarrean aurkeztu den 2025eko balantzeak urteko lanaren norabidea islatu du: indarkeria matxista lantzeko trebakuntza-saioak, genero ikuspegiarekin egindako aurrekontuen plangintza, parte-hartze soziopolitikoaren sustapena eta GizONekin programaren baitan garatutako bilerak.
12 udalerri gehiago. Topaketan jakinarazi da 12 udalerri sartu berri direla sarean: Arakaldo, Arratzu, Arrieta, Atxondo, Bakio, Berriatua, Berriz, Elantxobe, Ereño, Munitibar, Usansolo eta Zeanuri. Saioak balio izan du, halaber, GEOBizkaian kokatutako mapa eguneratua aurkezteko eta ohiko talde-argazkia egiteko.
Lan-dinamikaren beste ardatz bat izan da tamaina txikiko udalerrien egoera. Bizkaian 1.000 biztanletik beherako 37 udalerri dauden arren, horietatik 19k parte hartzen dute jada Lurralde Sarean, “azken urtean egindako lan espezifikoari esker”. Halaber, Busturialdean gauzatutako proiektu pilotuaren datuak eta ondorioak azaldu dira, udal txikien beharrak eta potentzialak ardatz hartuta. Horrez gain, udal berri horien esperientziak partekatu dira, lehen eskuko testigantzak bidez lehen urratsen zailtasun, beharrizan eta aurrerapenei buruz hitz egiteko.
Batzarrak barne-antolaketan ere erabakiak hartu ditu. Lurralde Kontseilua berritu egin da, eta ordezkaritza zabaldu da, “Aldundiaren eta udalen arteko etengabeko koordinazioa mantentzen duen organoa delako”. Bost udalerrik amaitu dute agintaldia (Elorrio, Gueñes, Mungia, Portugalete eta Zamudio), beste bik bertan jarraituko dute (Leioa eta Areatza), eta bost udal berri onartu dira: Zornotza, Bermeo, Gatika, Gordexola eta Sestao.Horrez gain, Sareko Lehendakaritzaordea hautatzeko prozesua ere egin da. Hautagaitzak eta proposamenak entzun ondoren, batzarrak Jon Artabe (Zornotza) hautatu du kargurako.
2026rako lan-programan aurreikusitako ekintzak aurkeztu ondoren, udalerriei eskerrak emanez eman diote amaiera saioari: “Etengabeko parte hartzeagatik eta laguntzeagatik”.
