Fisika kuantikoa izango dute hizpide Zientziaren Giltzak Elkarteak antolatutako hitzaldian
Jon Lafuente Bartolomek eskainiko du hitzaldia astelehenetan, 18:30ean, Ondarroako Kofradia Zaharrean.
Ondarroako Zientziaren Giltzak Elkarteak Atomoetatik Materialetara, Fisika Kuantikoaren eskutik hitzaldia antolatu du abenduaren 15erako [astelehena]. Jon Lafuente Bartolome fisikariak eskainiko du hitzaldia 18:30ean, Kofradia Zaharrean.
Hitzaldian Lafuentek fisika kuantikoaren oinarriak, zailtasunak eta ahalmenak azalduko ditu. Gainera, ikuspegi orokorra ematez gain, zenbait adibide jarriko ditu mahaigainean; esaterako, elektronikan eta energia berriztagarrietan erabili daitezkeen materialak, eta propietate kuantiko bereziak erakusten dituzten material supereroaleak. “Mekanika kuantikoa, mundu mikroskopioa ulertzeko funtsezko teoria izatetik hatarago, materialen propietateak aurresateko tresna paregabea da. Honek emandako ekuazioak superordenagailuetan ebatziz, egun posiblea da material berriak, atomoz atomo, simulazioen bidez diseinatzea”. Gainera, aipatutako ikerketa eremua bultzatzeko, EHUn egiten ari den lana azalduz amaituko du hitzaldia fisikariak.
Jon Lafuente Bartolome. 2014an Fisikako gradua bukatu zuen Lafuentek, eta 2015ean Nanozientzian eta Nanoteknologian masterra egin zuen. Horrez gin, 2020an Doktoretza egin zuen, Nanoegituren eta Material Aurreratuen Fisikan, EHUn.
Gaur egun, Teoria Konputazionala Materia Kondentsatuaren Fisikan taldearen barruan dabil aurrera eramaten bere ikerketa. Gainera, aurten, Psi-k Volker Heine Early Career Investigator saria jaso du, “solidoetako elektronika-fonon interakzioei buruzko lehen printzipioen ikerketetan egindako ekarpenak aitortzeko”.
