Arnoko XX. Mendi Ibilaldia egingo dute mutrikuarrek
Burumendi Mendizale Elkarteak 22 kilometroko ibilbidea antolatu du ekainak 7rako, eta izena emateko epea bihar arte [maiatzak 22] egongo da zabalik.
Mutrikuko Burumendi Mendizale Elkarteak antolatuta, XX. Arnoko Mendi Martxa egingo dute ekainaren 7an. Txurruka Plazan batu eta 08:00etan irtengo dira mutrikuko eta inguruetako mendigoizaleak 22 kilometroko eta 969 metroko desnibel metatua duen ibilbidea egiteko.
Txurruka plazan hasi eta amaituko da ibilbidea, eta herrian inguratzen duten bideeetatik igaroko da, Arnoko tontorretik pasatuz. San Juan, Kalbaixo, Apain, Arnoko kurutzea, Arnoko aterpea, Ameikutz, Kostolamendi → Armentxa, Berrosasi, Santakutz, Pikupe, Galdona eta Santa Elenatik pasako dira ibiltariak. Amaitutakoan, LumaGorri oilasko errea egongo da parte-hartzaile guztietantzat Mutrikuko Saokatira Taldearen eskutik. Aurreko urteetan 200 lagunetik gora batzea lortu dute, eta aurten ere, antzeko zifrak lortzea Mutirkun mendigoizaletasuna bizirik dagoenaren erakusle izango da beste behin.
Izen ematea Burumendi Mendizale Elkartearen webgunean egin daiteke eta epea bihar itxiko da [maiatzak 22] 16:00etan, eta 12 euro oraindu beharko dira. Egunean bertan ere egongo da izena emateko aukera, 15 euroren truke.
