Kontseilu Sozialistako kideak Ondarroan eta Lekeition batuko dira, Vito Quilesi aurre egiteagatik atxilotutakoei elkartasuna adierazteko
Gaur [ekainak 4] 19:00etan Lekeitioko Konpainiako elizaren aurrean eta, 20:30ean Ondarroan Zubi Zaharreko eskaileretan bilduko dira.
Lea-Artibaiko Kontseilu Sozialistako kideek elkartasuna adieraziko diete gaur [ekainak 4], Iruñean atxilotutako gazteei. Bi hitzordu antolatu dituzte: alde batetik, Lekeition, 19:00etan, Konpainiako elizaren aurrean, eta, bestetik, Ondarroan, 20:30ean, Zubi Zaharreko eskaileretan.
Atzo [ekainak 3] Espainiako Poliziak 28 pertsona atxilotu zituen Iruñean, “urriaren 30ean Vito Quiles eskuin muturreko kideak Nafarroako Unibertsitatean antolatutako ekitaldiaren kontrako protestetan parte hartu zutela” leporatuta.
Horregatik guztiagatik, Kontseilu Sozialistako kideen helburua da atzoko atxiloketak zalatzea eta “faxismoaren kontrako legitimitatea” aldarrikatzea.
