Lekeitio FTk eta Artibai FTko Txomin Abasolok Leartigolen saria jaso dute
Amaikak-Bateko Ainara Anakabe eta Janire Prieto ere saritu ditu komunikazio proiektuak.
2026ko Leartigol SariaLeartigol Urtero legez, kirol denboraldiaren amaieragaz batera, Leartigol proiektu herrikoiaren sariak batzen dira: atezinik onenaren saria, erregulartasunaren saria eta Leartigol saria (denboraldiko talderik onena).
Leartigol Saria, hau da, denboraldiko talderik onenaren saria Lekeitio Futbol Taldearentzat izan da, 69 puntugaz. Erregulartasunaren saria Markina-Xemeingo Artibai Futbol Taldeko Txomin Abasolo jokalariarentzat izan da, 40 puntugaz. Golegilerik onena Debako Amaikak-Bat Futbol Taldeko nesken taldeko Ainara Anakabe izan da, 24 golegaz. Atezainik onena, berriz, talde bereko Janire Prieto izan da.
Leartigol proiektua 2012ko udazkenean jaio zen futbolari buruzko ikus-entzunezko komunikazio proiektua da, Internet bidez eta euskaraz. Bere helburu nagusia Lea-Artibai, Mutriku eta Debako futbol taldeen bozgorailu izatea da. Lea-Artibai, Mutriku eta Debako futbol taldeek urte osoan egiten duten esfortzua aintzat hartzen du proiektuak, denboraldia amaitzen denerako hoberenak saritzeko.
