Ondarroa eta Lekittarra, Kontxako sailkapenetik urrun
San Juan nagusitu da 19. Kontxako Banderaren sailkapen estropadan. Ondarroa hamahirugarrena izan da, eta jarraian sailkatu da Lekittarra. Zarautzek estropada gogoangarria egin du, eta Kontxan ariko da, zortzigarren sailkatuta.
Argazkia: Iñaki Beitia Herenegun bezala, arraunzaleen topaleku izan da gaur [irailak 3] Donostiako Kontxa ingurua. Emakumezkoen 19. Kontxako Banderarako sailkapen estropada lehiatu dute hemeretzi taldek, eta zazpi txarteletako bat eskuratzeko lehia estua egon bada ere, azkenean ez da ezustekorik izan. Ondarroa eta Lekittarra ez dira datorren bi domeketan banderaren lehian egongo.
Lekeitiarrek hamalaugarren postuan amaitu dute estropada [11.28,37], eta ondarrutarrek, berriz, postu bat aurrerago; 11.29,03 behar izan dituzte 2.778 metrokoak egiteko. Hala, San Juan, Hibaika, Orio, Astillero, Tolosaldea, Donostiarra eta Zarautz izango dira 19. Kontxako Bandera lehiatuko dutenak, Donostia Arraun Lagunak-ekin batera —Euskotren ligako irabazleak eta zuzenean sailkatuak—.
Haizeak trabez jotzen zuen joaneko luzean, ontziak estriborrera bidaliz eta lehen paladetan arraunlariak gogotik lan egitera behartuz. Aurreikuspenak betez, sanjuandarrek, Euskotren Ligako hirugarrenek, ezarri du lehen ziabogako markarik onena [05.33], Hibaika [05.34]eta Orioren aurretik [5.35]. Ondarroa eta Lekittarra lehiatik kanpo zeuden ordurako.
Hamar traineru bederatzi segundoko tartean zeudela, poparean erabakiko zen estropada. Hondarribia ETE Ligako irabazlea eta Zarautz, bigarren sailkatua. Lehenengoa zazpigarren marka onenagaz barruan zen, atzetik hamahiru ontzi zeuden helmugaratzeko zeudelarik; horietako bat, Enbata, abiadura guztian. Sasoi osoko lanaren ordaina Zarauztarrek denboraldi guztiko lana biribiltzen zuten azken metroak egin, eta ia bost segundotan hobetu zuten Erreka-ren marka. Barruan egon edo ez mugatzen zuen denbora izan zen Ama Guadalupekoa-ren arraunlariena. Donostiarrak, etxeko taldeak, seigarren amaitu ditu lanak.
Basagaitz Gereño San Juango arraunlari beteranoak estropadan edukitako «sentsazio apartak» nabarmendu ditu: «Traineru asko segundo gutxiren buruan egongo zirela jakinik, geure aurpegirik lehiakorrena uretaratu dugu, eta azkenean nahikoa izan da sailkapena lortzeko eta, batez ere, maila handian gaudela frogatzea». Halaber, Gereño moduko eskarmentudun batelerak eskifaia «hain gaztearen» esangura argitu du: «Lantaldea herriko jendez osatuta dago, harrobiko kidez; tankerako talde gazte batentzat eta San Juan moduko herri batentzat, ez da batere erraza onenen artean ibiltzea. Kontxari dagokionez, borrokan sartuta ibiliko gara, betiere lehen helburua sailkapena bera zela jakinda».
Nahikari Osa zarauztarren patroiak azaldu du «gozatzeko asmoz» hartu dutela erlojupekoa, eta itsas baldintzen erabakigarritasunaz ere mintzatu da: «Joaneko luzean haizean estriborretik joten zuen, eta, bueltakoan, ababorra gogortu behar izan dugu; lanak izan ditugu». ETE Ligako bigarren sailkatuak liga garailearen denbora hobetu du, eta hondarribitarrekin izandako «lehia estua» azpimarratu du Osak: «Arraunean ez dago ezer ziurtatzerik, oraingoan zorteak geure alde egin du; orain, gozatzen segitzea eta zortzigarren postuarekin ez konformatzea dagokigu».
Argazkia: Iñaki Beitia
