
EAJ, ezker abertzalea eta EAko udal hautetsiak agertu dira alde, eta Berdeak+ Independienteak aurka. Mutrikuko Udalak Balea proiektua aurrera eramateko «bere babes eta konpromiso osoa» berretsi du adierazpen instituzional baten bidez. Pasa den astean egindako Osoko Bilkuran onartu zen adierazpena, EAJ, EA eta ezker abertzalearen aldeko iritziarekin. Ezezkoa eman zion adierazpenari Berdeak+Independienteak taldeko udal hautetsiak. «Arrantzarekiko mendekotasun handiko herrien egoera sozioekonomikoak alternatiba berritzaileen bilaketara bultzatu ditu Mutriku moduko herriak» adierazpenean baieztatzen denez. Horren harira sortu dela Balea proiektua gogoratu dute: «Mutrikuren eremuko itsas baliabideen ustiaketa orekatu eta jasangarria bultzatzeko». Herriaren suspertze ekonomikorako proiektu horren gauzatzea «guztiz garrantzitsua» dela deritzote adierazpenaren alde egin duten hiru talde politikoek, eta «aurrera jarraitzeko konpromisoa» agertu dute. B+I taldearen ezetza Balea proiektuak sustatu nahi dituen ardatz nagusiekin ados agertu dira Berdeak+Independienteak taldekoak. Artisau erako arrantza, elikagai industria, akuakultura eta arrantza turismoa dira lan arlo horiek. «Hala ere, guzti horiek pakete berdinean bultzatzerakoan ahaleginak gehiegi dispertsatu daitezkeela» uste dute B+I taldekoek. Horixe izan dute ezezkorako lehen arrazoia. Euren ustez, gainera, «diru gehiegi eta jende gehiegi» bideratu nahi dira Balea proiektura, «Udala egoera ekonomiko larrian egon arren». Euren ustez, «hasteko behintzat», orain proiektua suspertzeko kontratatuta dagoen tokiko garapen teknikariarekin nahikoa izango litzateke. Bestetik, proiektuak arrantza jasangarria defenditu [...]

Mutrikuko ezker abertzaleak”herri osoari irekia” izango den batzar hitzaldia antolatu du. Zabiel kultur etxean izango da eguaztenean, 19:30ean. Nola dago Mutriku? Zure ahotsa, gure hitza da hitzaldiaren izenburua. “Datozen udal hautes...

Dendetako paper eta kartoi hondakinekin edukiontziak gainez egotea ekiditeko, bilketa sistema aldatu egingo du Mutrikun Deba Beheko Mankomunitateak. Bilketa berezia egunero egingo da, eta ez orain artean bezala soilik Alde Zaharrean, herri osoan baizik. Sistema berria bi asteren buruan hasiko da martxan Udaletik jakinarazi dutenez. Bi gune eta bi ordutegi Dendetako paper eta kartoi bilketa berezia egiteko, bi gunetan sailkatu dute Mutriku; 1. guneak Alde Zaharra hartzen du, eta honako puntuetan egingo da bilketa: Batzoki aurrean, Zabiel ondoan, Beheko plazan merkatu ondoan, eta Felix Txurruka kalean Kutxaren aurrean. Gune honetako bilketa goizero 10:30ean egingo dute. Hori dela eta, Udalak eskatu du hondakinak ez ateratzeko 10:00ak baino lehen; ezta 10:15 baino beranduago ere. «Hondakinak kalean ahalik eta denbora laburrenean egotea nahi da lortu», azaldu dute. Bigarren gune bezala izendatu dute gainontzeko guztia. Honako bilketa puntuak zehaztu dituzte: Gaztañeta etorbidean, lur azpiko hondakin gunean; Jose Maria Altzibar kalean, lur azpiko hondakin gunean; errotondan ere hondakinen gunean; Felix Txurruka kalean Kutxa parean; San Agustinen, moilarako jaitsiera hasieran dagoen bilketa puntuan; eta azkenik moilan, lehendik dagoen bilketa puntuan. Bigarren gunean arratsaldez egingo dute dendetako paper eta kartoi bilketa berezia, 18:30ean. Hori dela eta, kasu horretan hondakinak 18:00ak baino lehen eta 18:15 baino beranduago ez [...]

Amesgaizto artean, pedalei eragiten jarraitu zuen Igor Romerok (Mutriku, 1986). Erakutsi duen pertseberantziak izan du baina saria. Bizikleta gainean zebilen eta gustuko zuen mutikotxo hark izandako ametsa bizitzen hastear da, bigarrenez. Domekan, Mallorcara doa. Kontinental profesional mailako bere lehen lasterketa dauka bertan. Profesionaletan denboraldia hastera zoaz. Urduri? Egia esan, bai. Baina normala delakoan nago. Erronka berri bat daukat aurrean, eta uste dut horrelako egoera baten dagoen edonork sumatzen duela urduritasun puntu hori. Baina tira, barruko sentimendu horiek gainditu egin behar ditut eta aurrera egin! Nola zoaz Mallorcara? Sasoiko sentitzen al zara? Zentratuta nago erabat. Badakit ez nagoela %100ean, baina orain arte jarri dizkidaten entrenamenduekin ondo bete dut, seriotasunez. Oraindik ez digute gehiegi sakatzen; martxotik aurrera hasiko dira horretan. Taldearekin lanean ari zara. Zer sentsazio dituzu? Lasaitasuna transmititzen didate. Komunikazio zuzena eta berehalakoa daukagu prestatzaileekin eta taldekideen artean ondo hartu naute. Talde profesionala da zentzu guztietan. Alde horretatik pozik nago. Eroso. Mallorcakoa lasteketa berezia izaten da. Atipikoa da, bai. Bost eguneko lasterketa da, baina etapa bakoitza lasterketa bat da bere baitan. Zuk nahi duzun egunetan parte har dezakezu. Oraindik ez dakit niri zer egitea egokituko zaidan, baina badakit lehiaketa egunak edukiko ditudala. Zein da zure asmoa Mallorcan? Ekipoak markatutakoa bete, fisikoki [...]

Argazki digital rallya antolatu du Subeltz tabernak. Inskripzioak 5 euro balio du, eta domekan, 10:00etatik 10:30era, Subeltzen, egingo da. Hiru sari daude: 250 euro, 150 euro eta 100 euro, argazki denda batean gastatzeko. 13:00ak arte atera ahal dira ...

Bihar, 22:00etan, Aiako probalekuak Euskadiko zaldi-mando txapelketako finala hartuko du. Bertan bi aulestiar eta bermeotar bat ariko dira nor baino nor. Koba eta Maider Uriarte dira Aulestiko probalariak; bermeotarra, ostera, Asier Alegria. Urteko pro...

Etxebizitza baten lapurtzeko saiakera egin dute Gizaburuagan. Atea behartzen saiatu ziren, baina atearen sendotasuna tarteko, ez zuten lortu barrura sartzerik. Ateak kalte nabariak ditu. Gertaera Ertzaintzaren esku utzi dute.