
Aurten gehitutako pelotariekin 79tik 96 jokalarira pasa da Lea Ibarra Motrollo Elkartea; Amoroton gehitu da jende gehien.

Amets txurrukari Merezimendu Saria emango diote zapatuan

Emakumeen jasaten duten indarkeriaren aurkako arte erakusketa atondu dute herriko hamabost emakumek. Azaroaren 20an hasi eta hilaren 28ra arte egongo da Udal Erakusketa Aretoan 18:30etik 21:00etara. Nagore Agirre, Nekane Akarregi, Yolanda Eizagirre, Am...

“Oso pozik” geratu dira antolatzaileak Ondarroako I. Lore eta Landare Azokak edukitako erantzunagaz. “Jende asko etorri da, eta saltzaile guztiek esan digute aspaldiko azoketan ez dutela hain ondo saldu izan. Ondarroa plaza ona dela e...

Ezker abertzaleak Lea-Artibaiko etorkizunari buruzko mahai ingurua egingo du barikuan Aulestin

Mutrikuko Institutuak sei formakuntza ikastaro emango ditu azaroaren 29tik maiatzera arte; ikasleen %40 langabeak izan daitezke. Hobetuz planaren barruan datoz ikastaroak, eta lanean dihardutenei, enplegu erregulazio espedientepean daudenei edo eta lan...

Mutrikuko Berdeak-Independienteak taldeak eta Mutriku Natur Taldeak egin dute eskari formala. Eusko Jaurlaritzaren esku utzitako 246.932 metro koadroak berriro ere Itsas Ertzeko Eremu Publikora bueltatu eta bere gain hartzea eskatu diote Mutriku Natur Taldeak (MNT) eta Berdeak-Independienteak plataformak (B+I) Kostetako Zuzendaritzari. Gutun formala igorri berri diote, horretarako, Madrilgo zuzendaritza orokorrera. Kostas-en baldintzak ez dira bete Portu berriaren proiektua tarteko egin zuen metro koadro horien lagapena Kostas-ek. Lau baldintza ipini zizkion Eusko Jaurlaritzaren Portuen Zuzendaritzari: olatuen indarrarekin energia sortzeko gunearen Ingurune Eraginaren Azterketa egitea, Mutrikuko hondartza berreskuratzea, dikea egiteko materialak harrobi legalizatuetatik ekartzea, eta obrako epeak betetzea. «Bost urte igaro dira eta baldintza horietako bat bera ere ez du bete Eusko Jaurlaritzak. Lehen guztiona zen eremu hori oso modu okerrean kudeatu dute, bai teknikoki eta bai administrazio aldetik», esan du Berdeak-Independienteak taldeko zinegotzi Iñigo Agirrek. «Ondorioak begien aurrean dauzkagu: 25 milioi euro diru publikotik gastatuta, bukatu gabeko obra bat, eta lehen hondartza zena esperpento bihurtua», gehitu du. Eusko Jaurlaritzak bere lege eta araudi propioak ez dituela bete salatu dute MNT-k eta B+I-k. «Energia sortzeko gunearen Ingurumen Eraginaren Azterketa ez da egin; egoera irregularrean dauden harrobietako materiala erabili dute dikerako; ur-ertza atzeratzea eragin du dikea eraikitzeko moduak, Burumendiko hondartza desagertaraziz eta ondoko [...]