
Altzada gehien Ayatolah taldeko Juan Migoyak (24 urte) egin ditu, 3 altzada (kokot barik). Eixuputz taldeko Maria Larruskainek (23 urte) bi altzada eta kokota lortu ditu, 48 segundotan. Beste hiru taldek bi altzada egin badituzte be, Larruskainek arinen egin du. Dotoretasunaren saria Korainak taldeak eroan du, ondoko lemagaz: «Itsasoan arrainak eta mendian artzainak. Espetxean gure preso anaiak, muxuetan espainak. Eta Antzarretan… Korainak». EGUNEKO KRONIKA: 12:0etan antzarretan parte hartuko dutenak pisatzen ibili dira, Independentzia plazan. Guztira aurten 84 potinek parte hartuko dute. Horietatik 64 dira lekeitiarrak, 2 Lea-Artibaikoak eta 18 kanpokoak. Pisaketa lanak ordu bat iraun dute. Parte hartzaileek 75 kilo baino gehiago ezin dezaketenez eduki, komeriak ibili dituzte parte hartzaileek pisua kentzeko. Argazki galeria ikusi. Jan barik, dieta eginda… parte hartzaile bakoitzak bere pasadizoa zuen. Pisaketa lanak 13:00ak aldera amaitu dira eta nork bere zenbakia hartuta, denak txikiteoa egitera joan dira. Antzarrak 16:00etan hasi dira eta nahiko altzada gutxi egon dira aurten. 19:00ak jota ipini dute azken antzarra.

Ispasterko Udalak Bizkaiko Foru Aldundiko BiscayTIK proiektuagaz bat egin eta webgunea eraberritu du. Berrikuntzagaz, erabiltzaileei udal zerbitzu, turismo eta kultur eskaintzari buruz informazioa eskuragai jarri nahi izan die udalak. Aldaketa egin b...

Ekainetik abuztuaren 15a bitarteko turismo datuak onak izan dira Mutrikun. Datuak eskuetan hartuta, 4.629 bisitari pasatu dira sasoi Mutrikuko turismo bulegotik, 2011 urteko garai berean baino %5 gehiago. Datu hori aztertzeko garaian aldaketa handia n...

Etzi izango da Eskola Kiroleko programan izena emateko azken eguna. Urriaren 1ean hasiko da ikasturte berria, eta interesatuek ikastetxeetan aurkeztu behar dituzte izena emateko orriak, ordainagiriarekin batera. Eskaintza zabala dakar programak: bestea...

Maite Txakartegi eta Naiara Plazak bota dute aurtengo jaietako txapelketako irrintzirik onena. Eguerdi partean, jendez bete da Limoneroa, 31. txapelketa ikusteko. Urtero legez, parte hartzea handia izan da, halan, 20 ume eta 12 nagusi jarri dira mikrofono aurrean irrintzirik luze eta sendoena egiteko. Guztien oihua entzunda, hamar minutuko tartea hartu du epaimahaiak erabakia hartzeko, eta hauek izan dira aurtengo irabazleak. Nagusietan, irabazlea Naiara Plaza izan da, bigarrena Saioa Sustaeta eta hirugarrena, Iker Gerrikabeitia. Umeen tartean barriz, Maite Txakartegik eroan du txapela, Maite Garagarzarentzat izan da bigarren saria, eta hirugarren postua, Klaudia Erkiagak eskuratu du. Sari berezi bat be emon du aurten epaimahaiak. Saria Maite Gallorentzat izan da. Irrintzi txapelketaz gainera, skate eta piragua tailerrak egon dira goizean. Txosna Batzordeak antolatutako egitarauaren baitan, eta Komando Rampa Bako eta Dzangaren eskutik, skatean eta piraguetan ibiltzeko aukera eduki dute ume, gaztetxo eta nagusiek. Parkeko ranpan gora eta behera aritu dira gazteak, eta hamabi piragua atera dira Isuntzako hondartzatik irlarako bidean.

Den-dena prest dago Arno Trail Sprint Race mendi lasterketa Kalbaixo aurretik ateratzeko. Irailaren 9rako egin dute antolatzaileek hitzordua, 11:00etan. Ibilbideak, guztira, 7,56 kilometro ditu. «Parte hartzaileek Arnora igo beharko dute, iaz bezala....

Euskal Kostaldeko Geoparkearen bisitek ez daukate etenik. Zapatuak ekarriko du hurrengo bisita gidatua, 10:00etan. Harriaren ibilbidea egiteko aukera izango dute bisitariek. Arnoko mehatzetatik, mendeetan zehar ustiatuak, herriguneko jauregi, eliza eta...