
Odola emoteko aukera egongo da Lekeition barikuan eta zapatuan. Barikuan odola emoteko osasun etxera joan behar da 17:00etatik 20:30era. Zapatuan, barriz, odola emoteko unitate mugikorra jarriko dute Independentzia plazan 10:00etatik 13:30era.

Ume, gaztetxo eta nagusien mailetako 34 bikote jokatzen dabiltza aurten, Karmenetako Zesta-Punta Txapelketa. Nagusietan, Euskal Herriko afizionatu mailako pilotari onenak ari dira lehian. Ekainaren hasieran hasi ziren jokoan, eta ikaragarrizko partidu ...

Zapato Azulak kanta edukiko du aurten. Esne Beltzak egindako kanta entzun edo deskargatu nahi dutenek Radixuko web orrian daukate http://www.radixu.info/#kanti.

Eskaintza ezagutzera emotea helburu, Ateak Zabalik ekimena egingo da zapatuan, Zaldupe udal kiroldegian, 09:00etan hasita, 14 urtetik gorakoentzat. 35 minutuko saioetan ahalko dute parte hartu bertara doazenek.


Urrezko domina lortu zuen Olatz Egiguren lekeitiarrak, joan den zapatuan, Donostian jokatu zen Euskadiko Proba Konbinatuen Txapelketan. 4.095 puntu lortu zituen Egigurenek heptatlon proban eta domina lortzeagaz gainera, uztailaren hirugarren asteburuan Toledon lehiatuko den Espainiako Txapelketan egoteko sailkatu da. Egigurenek bezala, Lekeitioko Tximista atletismo taldeko gazteek be zazpi domina lortu zituzten, urrezko bat eta sei zilarrezko, Basaurin jokatu zen Bizkaiko Txapelketan. Iziar Lejarzegi, lehenengoa izan zen luzera jauzian eta bigarren egin zuen hirukoitza jauzian eta 100 metro leunetan, Irati Agirregomezkortak, bigarren postua lortu zuen 400 metro hesietan eta 400 metro leunetan, eta Josu Egiguren bigarren postuan geratu zen disko jaurtiketan eta pisu jaurtiketan. Iziar Lejarzegik, gainera, Espainiako Txapelketan parte hartzeko gutxienekoa be lortu zuen luzera jauzian eta 100 metro leunetan, eta beraz, Aranjuezen egongo da uztailaren 7an.

Eusko Jaurlaritzak Mutrikuko portuan egin nahi duen egitasmoak kezka eragin du mutrikuarren artean. Mutriku Natur Taldeak eta B+I taldeak inbertsio publikoarekin eremu publikoa pribatizatu nahi dela ohartarazi dute behin baino gehiagotan. MNTk, esate...