

LAB sindikatuak deituta lanuztea egin dute gaur, administrazio publikoko langileek. 11:30ean hasita, ordu erdiko elkarretaratzea egin dute langileek Lekeitioko udaletxeko eskaileratan. Udaleko eta irakaskuntzako beharginez gain, herritarrak be batu dir...

Urteroko hitzorduari hutsik egin barik, Markina-Xemeingo karmeldarren komentuan batu dira Karmel aldizkariaren egile eta kolaboratzaileak. Azken aldizkaria aurkezteagaz gainera, Julen Urkiza eta Luis Baraiazarra karmeldarrek idatziatako liburuak be ezagutzera emon dituzte. Hamazazpi lagun batu ziren zapatu goizean egindako aurkezpenean. Liburuen egileez gain, bertan egon ziren beste batzuren artean, Patxi Juaristi, Leire Bilbao, Ana Urkiza, Jabier Kalzakorta, eta Miren Agur Meabe eskualdeko idazleak. Berriro be, Julen Urkiza eta Luis Baraiazarrak lan ikaragarria egin dutela erakusten dute argitaratu barri dituzten liburuek: Santa Teresa Jesusena Bizitza Liburua eta Los Carmelitas en Larrea. Santa Teresaren jaiotzaren 5. mendeurrenaren harian sortu zitzaien haren idazlan guztiak euskaraz jartzeko asmoa, eta idazlan guztiekin batera ez ezik, berariazko eran be argitaratu dute, gaztelania eta euskara ezker-eskuin jarririk. Gaztelaniako testua Tomas Alvarezek Monte Carmelo argitaletxerako prestatutakoa da, eta itzulpena argitalpen horreri jarraituz egin du Luis Baraiazarrak. Zornotzako Larrea komentuko hiru mendeetako historia jaso du Julen Urkizak Los Carmelitas en Larrea liburuan. Zehaztasun handiz idatzitako lana egiteko ikerketa zabala egin behar izan du historialariak, Gasteiz, Madril eta Erromako artxibategiak tarteko, eta lan sendo horren fruitua da argitaratu barri duen obra. Garai onak eta latzak, sorreratik kanporatze arte eta errestauraziotik gaur arte, Larreako gertakari guztiak eta komunitate eta nobizioen jazoerak [...]

11:30ean batuko dira Lekeitio Futbol Taldekoak Larrotegi zelaian, hainbat urtez taldearen alde lan egin duen Manolo Lopezi eskerrak emoteko. Ekitaldi bat egingo diote, eta ondoren, Logroñoko Alfaro taldeko eta Lekeitio Futbol taldeko betaranoek partidua jokatuko dute. «Ez da erraza futbol zelaiaren ardura hartzen duen pertsona bat aurkitzea eta zuzendaritzak eskerrak emon nahi dizkio egin duen lanagatik eta erakutsi duen konpromisoagatik» adierazi dute. Manolori eskerrak emoteko, herritar guztiak gonbidatu ditu Lekeitio FTk ekitaldira. «Merezitako errekonozimendua emon nahi diogu guztion parte hartzeagaz», esan dute.

680 kiloko txapelketan lehen postuan geratu eta gero, asteburu honetan 640 kilokoan hasiko da lehiatzen talde mutrikuarra. Taldeak txapelketa honekin amaituko du lur gaineko sokatira txapelketa.

Kultur aretoa bete egin zen, Andoni Ortuzarrek gaur eguneko egoera politikoaren gainean eskainitako hitzaldian. EAJren Bizkai Buru Batzarreko lehendakariak azken lau urteei gainbegiratua eman zien eta oposizio tinko eta irmoa eginez, EAJk galdutako uda...

Proposamen kultural eta jai herrikoiaren bitartez, iparraldeko eta hegoaldeko euskal herritarren arteko harremanak bultzatuko ditu aurten be asteburuan ospatuko den Iparraldeko Haizeak ekimenak. Ipuin kontalari, bertso saio, azoka eta musika. Adin eta gustu guztientzako eskaintza zabala prestatu du jairako Aittitta Txiki taldeak. Urtero modura, barikua umeei zuzenduta egongo da, eta beraz, eurak izango dira protagonistak. Aurten, ipuin kontalaria aukeratu dute gai nagusi. Hori dela eta, Koldo Amestoi ipuin kontalariaren saioa egongo da, baina, umeek be, Lekeitioko ipuin eta eleberriak kontatu beharko dizkiote berari, bazkalosteko tailerrean. Zapatuan, iparraldeko eta hegoaldeko produktuak erosteko aukera egongo da Independentzia plazan zabalduko duten azokan, gainera, produktu dastaketa be antolatu dute eguerdirako, eta taberna eta koadrila arteko gisau txapelketa egongo da domekan. Egitaraua: Barikua 11:00. Udaletxeko eskaileretan eskolako eta ikastolako gaztetxoak argazkia ateratzea. 11:30. Koldo Amestoi ipuin kontalaria Azkue aretoan. 12:30. Bazkaria plazan. 14:00. Ipuin tailerra Barandiaran aretoan. 22:30. Bertso saioa Konpainiako elizan. Zapatua 10:30-14:00. Azoka berezia plazan. 12:00. Produktu dastaketa azokan. 13:00. Oihal Berria taldea azokan eta kalerik kale. 18:30. Baigorriko Arrola eta Lekeitioko Etorkizuna dantza taldeen kalejira. 19:00. Baigorriko Arrola eta Lekeitioko Etorkizuna dantza taldeen dantzaldia plazan. 20:30. Amaren Alaben kantaldia San Pedropean. 21:00. Txikirri Txikirri taldea kalerik kale. 22:00. Elektro Txaranga kalerik kale. 23:00. Lekittoko Tinbaleruak [...]