Farmazia lekuz aldatuko du Etxebarriko Udalak
Orain arte lehengo udaletxe zaharrean egon den farmazia lekuz aldatuko du Etxebarriko Udalak. Hemendik aurrera, Barinagako bidean dagoen Alzibar auzoan egongo da. Iazko aurrekontuan barruan sartzen bada be, oraindik lekuz aldatzeko dago herriko farma...
Orain arte lehengo udaletxe zaharrean egon den farmazia lekuz aldatuko du Etxebarriko Udalak. Hemendik aurrera, Barinagako bidean dagoen Alzibar auzoan egongo da.
Iazko aurrekontuan barruan sartzen bada be, oraindik lekuz aldatzeko dago herriko farmazia. Orain arteko lekua zaharkituta zegoela eta, leku egokiagoa prestatzea erabaki zuen Udalak. «Lehengo lokalari kontratua amaitu zaio eta gainera, udaletxe zaharrean kultur aretoa egin da», azaldu du Etxebarriko alkateak .
Bere garaian, Udalak, lokala jarri eta alokairuan eduki du farmazia. Baina, lekutik aldatzea erabaki dute. Horrela, Udalak lokal bat alokatu du, obrak egingo ditu eta errentan emango dio farmazia jartzen duenari.
Obrak urte berriagaz batera hasi ziren. Abenduan eman zuten obra eta hilabete amaiera ingururako amaituta egotea espero dute.
Farmaziak 85 metro izango ditu, Eusko jaurlaritzak, lizentziak betetzeko eskatzen duen gutxienekoa.
