Mutrikuko Musika Bandak bazkide egiteko aukera ireki du
Mutrikuko Musika Bandako lagun edo bazkide izan ahal izango dute nahi duten guztiek aurrerantzean. Bazkidetzak egiteari ekin dio, lehenengo aldiz, musika bandak, beste herri batzuetako banden esperientziari jarraituz. «Jendeari aukera eman nahi diogu bandara gerturatzeko eta hurbilago sentitzeko. Bide batez, kontzertu berezietarako sarrerak-eta zozkatuko ditugunez, zaletasuna zabaltzeko beste modu bat iruditzen zaigu. Ia jendea gehiago animatzen den horrela kontzertuetara joaten», azaldu du Karlos Escudero bandako zuzendariak. Grabaketak eta zozketak Urteko 15 eurokoa izango da bazkideentzako kuota. Horren truke, Mutrikuko Musika Bandak urte horretan joko dituen hiru kontzertutako grabazioak jasoko dituzte; udaberriko kontzertua, udakoa eta Santa Zeziliakoa izango dira zuzeneko grabaketan eskainiko dituztenak. Horrez gain, Santa Zeziliako kontzertuan bazkide guztien artean zozketa egingo da. Zozketa horren sariak, Donostiako Kursaalean edo Bilboko Euskalduna jauregian izango den goi mailako kontzertu baterako bi sarrera eta hiri horretako jatetxe batean bi pertsonentzako afaria izango dira. Bazkide egiteko moduak Bazkide egiteko eskari orriak Mutrikuko Musika Bandaren kontzertuetan bete ahal izango dira. Baina, horrez gain, hainbat taberna eta dendetan ere banatu dituzte: Kulixkan, Aranzubin, Batzokian, Subeltzen, Goiti-Beran, Loretxun, Zubiaramen, Erdiko mertzerian eta Mila frutadendan. Kuotaren ordainketa eskura egin daiteke aipatu lekuetan eskarri orria lagatzerakoan, edo bestela bankuko transferentzia bidez, orrian bertan ageri den kontu korrontearekin. Posta elektronikoz [...]
Mutrikuko Musika Bandako lagun edo bazkide izan ahal izango dute nahi duten guztiek aurrerantzean. Bazkidetzak egiteari ekin dio, lehenengo aldiz, musika bandak, beste herri batzuetako banden esperientziari jarraituz. 
«Jendeari aukera eman nahi diogu bandara gerturatzeko eta hurbilago sentitzeko. Bide batez, kontzertu berezietarako sarrerak-eta zozkatuko ditugunez, zaletasuna zabaltzeko beste modu bat iruditzen zaigu. Ia jendea gehiago animatzen den horrela kontzertuetara joaten», azaldu du Karlos Escudero bandako zuzendariak.
Grabaketak eta zozketak
Urteko 15 eurokoa izango da bazkideentzako kuota. Horren truke, Mutrikuko Musika Bandak urte horretan joko dituen hiru kontzertutako grabazioak jasoko dituzte; udaberriko kontzertua, udakoa eta Santa Zeziliakoa izango dira zuzeneko grabaketan eskainiko dituztenak. Horrez gain, Santa Zeziliako kontzertuan bazkide guztien artean zozketa egingo da. Zozketa horren sariak, Donostiako Kursaalean edo Bilboko Euskalduna jauregian izango den goi mailako kontzertu baterako bi sarrera eta hiri horretako jatetxe batean bi pertsonentzako afaria izango dira.
Bazkide egiteko moduak
Bazkide egiteko eskari orriak Mutrikuko Musika Bandaren kontzertuetan bete ahal izango dira. Baina, horrez gain, hainbat taberna eta dendetan ere banatu dituzte: Kulixkan, Aranzubin, Batzokian, Subeltzen, Goiti-Beran, Loretxun, Zubiaramen, Erdiko mertzerian eta Mila frutadendan.
Kuotaren ordainketa eskura egin daiteke aipatu lekuetan eskarri orria lagatzerakoan, edo bestela bankuko transferentzia bidez, orrian bertan ageri den kontu korrontearekin. Posta elektronikoz ere egin daiteke bazkidetza, mmbbazkidetza@gmail. com helbidera idatzita.
34 bat musikarik osatzen dute gaur egun Mutrikuko Musika Banda. Banda gaztea da: 12 urtetik 35urte ingurura. Urteko hiru kontzertu nagusiez gain, beste hainbat ekitalditan ere hartzen dute parte. Orain, berriz, Geoparke egitasmoarekin, Deba eta Zumaiako bandekin hiru herrietan hiru banden artean kontzertuak eskaintzeko prestaketetan ere hasita daude.
