80tik gora lagun, euskal dantzen ikastaroan
Ostegunean hasiko da, 21:00etan, Mutrikuko frontoian eta maiatzaren 21ean izango da euskal erromeria eguna. Arrakasta handia izan du aurten ere euskal dantza herrikoien ikastaro deialdiak. Izenak emateko zerrendak zabaldu zituztenerako, Gure Ametsa t...
Ostegunean hasiko da, 21:00etan, Mutrikuko frontoian eta maiatzaren 21ean izango da euskal erromeria eguna. Arrakasta handia izan du aurten ere euskal dantza herrikoien ikastaro deialdiak. Izenak emateko zerrendak zabaldu zituztenerako, Gure Ametsa taldekoek izenez beteta jaso zituzten atzera ere. 80tik gora mutrikuarrek ekingo diote, beraz, gaur iluntzean hasita, aurtengo ikastaroari.
Hitzordua jarrita dago: 21:00etan, frontoian. Horrela izango da ostegunero, maiatzaren 19ra arte. Eta maiatzaren 21ean, kalean gora eta behera, euskal erromeria eginez erakutsi ahal izango dute ikastaroaren emaitza.
Aurten jauzi dantzak ere bai
Izena eman dutenetako gehienak aurreko urteetako ikastaroetan ere aritu izan dira; hamar-hamabost dira berriak. Lau bat taldetan banatuta ekingo diote aurtengoari. Aurreko urteetan egindakoa errepasatzearekin batera, dantza berriak ere ikasiko dituzte; jauzi dantzak, hain zuzen ere.
